വിജയ്‌ സേതുപതി നായകനായെത്തുന്ന പുതിയ സിനിമയുടെ ചിത്രീകരണത്തിനിടെയുണ്ടായ അപകടത്തില്‍ സ്റ്റണ്ട്മാന് മരിച്ചു. സംഘട്ടന സംവിധാന സംഘത്തിലെ ഫൈറ്റിങ്‌ പരിശീലകന്‍ സുരേഷ് (54) ആണ് മരിച്ചത്. ചെന്നൈയ്‌ക്ക് സമീപം കേളമ്പാക്കത്ത് വച്ചായിരുന്നു അപകടം.
-
#Chennai: From the sets of director Vetrimaaran’s Viduthalai, where a Kollywood stuntman, Suresh died after a rope accident. The team was filming a train accident scene. pic.twitter.com/oQyWQQVIn8
— Srikkanth (@Srikkanth_07) December 3, 2022 " class="align-text-top noRightClick twitterSection" data="
">#Chennai: From the sets of director Vetrimaaran’s Viduthalai, where a Kollywood stuntman, Suresh died after a rope accident. The team was filming a train accident scene. pic.twitter.com/oQyWQQVIn8
— Srikkanth (@Srikkanth_07) December 3, 2022#Chennai: From the sets of director Vetrimaaran’s Viduthalai, where a Kollywood stuntman, Suresh died after a rope accident. The team was filming a train accident scene. pic.twitter.com/oQyWQQVIn8
— Srikkanth (@Srikkanth_07) December 3, 2022
സംവിധായകന്‍ വെട്രിമാരന്‍റെ 'വിടുതലൈ' എന്ന സിനിമയുടെ ചിത്രീകരണത്തിനിടെയായിരുന്നു സംഭവം. തീവണ്ടി അപകട ദൃശ്യം ചിത്രീകരിക്കുന്നതിനിടെയായിരുന്നു അപകടം. ക്രെയിനിന്‍റെ ഇരുമ്പ് വടം പൊട്ടിയാണ് അപകടം ഉണ്ടായത്.
ഇരുമ്പ് വടം പൊട്ടി 20 അടിയോളം ഉയരത്തിൽ നിന്നും സുരേഷ് താഴേക്ക് വീണു. സുരേഷിനെ ഉടന്‍ തന്നെ ആശുപത്രിയില്‍ എത്തിച്ചെങ്കിലും മരണം സംഭവിച്ചു. സംഭവത്തില്‍ പൊലിസ് അന്വേഷണം ആരംഭിച്ചിട്ടുണ്ട്.
ജയമോഹന്‍റെ 'തുണൈവന്‍' എന്ന ചെറുകഥയെ ആസ്‌പദമാക്കി വെട്രിമാരന്‍ സംവിധാനം ചെയ്യുന്ന ചിത്രമാണ് 'വിടുതലൈ'. രണ്ട് വര്‍ഷമായി 'വിടുതലൈ'യുടെ ചിത്രീകരണം പുരോഗമിക്കുകയാണ്. വെട്രിമാരന്‍ തന്നെയാണ് സിനിമയുടെ തിരക്കഥയും നിര്‍വഹിച്ചിരിക്കുന്നത്. ആര്‍ എസ് ഇര്‍ഫോടെയ്‌ന്‍മെന്‍റിന്‍റെ ബാനറില്‍ എല്‍റെഡ് കുമാര്‍ ആണ് സിനിമയുടെ നിര്‍മാണം.
രണ്ട് ഭാഗങ്ങളായാണ് ചിത്രം തിയേറ്ററുകളിലെത്തുക. രണ്ടാം ഭാഗത്തിന്‍റെ ചിത്രീകരണമാണ് ഇപ്പോള്‍ നടക്കുന്നത്. ഗൗതം വാസുദേവ് മേനോന്‍, സൂരി, പ്രകാശ് രാജ്, രാജീവ് മേനോന്‍, ഭവാനി ശ്രീ, ചേതന്‍ തുടങ്ങിയവരാണ് ചിത്രത്തില്‍ അണിനിരക്കുന്നത്.
