മുംബൈ: 'ജയിച്ചു കഴിഞ്ഞാൽ എല്ലാവർക്കും ഒരു പ്ലാൻ ഉണ്ടായിരിക്കും, പക്ഷെ തോറ്റുകഴിഞ്ഞാലോ? തോറ്റു കഴിഞ്ഞാൽ അതിനെ എങ്ങനെ ഉൾക്കൊള്ളണമെന്നും മുന്നോട്ട് പോകണമെന്നും ആരും നമുക്ക് പറഞ്ഞു തരുന്നില്ല.' ഇന്ത്യൻ സിനിമ ലോകത്തിൻ്റെ ഹൃദയത്തിൽ കനൽ കോരിയിട്ട് ഭൂമിയിൽ നിന്ന് വിട പറഞ്ഞ പ്രശസ്‌ത ബോളിവുഡ് നടൻ സുശാന്ത് സിങ് രജ്‌പുതിൻ്റെ 'ചിച്ചോരെ' എന്ന സിനിമയിൽ നിന്നുള്ള ഒരു ഡയലോഗാണിത്.
നടൻ മരിച്ച് രണ്ട് വർഷം പിന്നിട്ടിട്ടും ഇപ്പോഴും അദ്ദേഹം ആരാധകരുടെയും സഹപ്രവർത്തകരുടെയും ഉള്ളിൽ ഉണ്ടാക്കി വച്ച മുറിവ് ഇന്നും ഉണങ്ങിയിട്ടില്ല. മുംബൈയിലെ ബാന്ദ്രയിലുള്ള സ്വവസതിയിലാണ് 2020 ജൂൺ 14 ന് ബോളിവുഡ് താരം സുശാന്ത് സിങ് രജ്‌പുതിനെ തൂങ്ങി മരിച്ച നിലയിൽ കണ്ടെത്തിയത്. നടൻ്റെ മരണത്തെ തുടർന്ന് ബോളിവുഡിൽ ഉണ്ടായ വിവാദങ്ങൾ ഇനിയും അടങ്ങിയിട്ടില്ല. മയക്കു മരുന്നു കേസുകൾ, ബോളിവുഡിലെ സ്വജനപക്ഷപാതം ഇവയെല്ലാം സുശാന്തിൻ്റെ മരണത്തെ തുടർന്ന് വലിയ വാർത്തയായിരുന്നു.
മരണം ഇപ്പോഴും പലർക്കും ഉൾക്കൊള്ളാൻ കഴിഞ്ഞിട്ടില്ല: സുശാന്തിൻ്റെ മരണം തികച്ചും ആത്‌മഹത്യയാണെന്നും അതിൽ ദുരൂഹതയൊന്നും ഇല്ലെന്നും വിദഗ്‌ദ ഡോക്‌ടർമാർ അടക്കം വിധിയെഴുതിയെങ്കിലും അതുകൊണ്ടൊന്നും ആരാധകരോ മാധ്യമങ്ങളോ അടങ്ങിയിരുന്നില്ല. നാടക രംഗത്ത് കരിയർ ആരംഭിച്ച സുശാന്ത് പിന്നീട് സീരിയലിലും അഭിനയിച്ചിരുന്നു. അവിടെ നിന്നാണ് താരം സിനിമയിലേക്കുള്ള തൻ്റെ ശ്രമങ്ങൾ ആരംഭിച്ചത്.
തുടർന്ന് ബോളിവുഡ് സ്റ്റാർ എന്ന നിലയിൽ ഉയർന്ന താരം, ഇതുവരെയുള്ള ശ്രമങ്ങളിലൊന്നും തനിക്ക് നിരാശ തോന്നിയിട്ടില്ലെന്ന് ഒരു അഭിമുഖത്തിൽ പറഞ്ഞിരുന്നു. അങ്ങനെ ഒരു വ്യക്തിത്വത്തിന് ഉടമയായ നടൻ്റെ മരണം ഇപ്പോഴും പലർക്കും ഉൾക്കൊള്ളാൻ കഴിഞ്ഞിട്ടില്ല.
സുശാന്ത് സിങ് രാജ്‌പുതിന്‍റെ ഓർമകൾ പങ്കുവച്ച് സ്മൃതി ഇറാനി: കേന്ദ്ര മന്ത്രി സ്മൃതി ഇറാനി അടുത്തിടെ നടന്ന അഭിമുഖത്തില്‍ സുശാന്ത് സിങ് രാജ്‌പുതിന്‍റെ ഓർമകൾ പങ്കുവച്ചിരുന്നു. 2020 ജൂണിൽ സുശാന്ത് സിംഗ് രാജ്‌പുതിൻ്റെ മരണദിവസം താൻ വികാരാധീനയായെന്ന് മന്ത്രി അഭിമുഖത്തിൽ വെളിപ്പെടുത്തി. മുംബൈയിൽ ടിവി ഷോകളിൽ പ്രവർത്തിച്ചുകൊണ്ടിരിക്കെ സുശാന്തിനെ കണ്ടതും തനിക്ക് സംസാരിക്കാൻ അവസരം ലഭിച്ചിരുന്നെങ്കിൽ എന്ന് ആഗ്രഹിച്ചതും സ്മൃതി ഇറാനി ഓർത്തെടുത്തു.
അവസാനമായി അവനോട് സംസാരിച്ചപ്പോൾ 'ദയവായി ആത്‌മഹത്യ ചെയ്യരുത്' എന്ന് പറഞ്ഞിരുന്നതായി മന്ത്രി പറഞ്ഞു. അതിനുശേഷം, സുഹൃത്തിനെ ഓർത്ത് സങ്കടപ്പെടുന്ന സുശാന്തിൻ്റെ സഹതാരം അമിത് സാദിനെ താൻ ഉപദേശിച്ചതും സ്മൃതി തൻ്റെ അഭിമുഖത്തിൽ ഓർത്തെടുത്തു.
also read: ഈ സെല്‍ഫി എന്നുടെ പെരിയ അച്ചീവ്മെന്‍റ്'; ഇന്നസെന്‍റിനെ കുറിച്ച് സൂര്യ
ടെലിവിഷൻ അഭിനേതാക്കളായി മുംബൈയിലെ ഒരേ സ്റ്റുഡിയോകളിൽ ജോലി ചെയ്‌തതിനൊപ്പം, 2017 ൽ കേന്ദ്ര വാർത്ത വിതരണ പ്രക്ഷേപണ മന്ത്രിയായിരിക്കെ, ഗോവയിൽ നടന്ന ഇൻ്റർനാഷണൽ ഫിലിം ഫെസ്റ്റിവൽ ഓഫ് ഇന്ത്യ (ഐഎഫ്എഫ്ഐ) വേദിയിൽ സുശാന്തുമായി സംവദിച്ചതും സ്മൃതി ഇറാനി ഓർത്തെടുത്തു. നടൻ്റെ വിയോഗത്തെക്കുറിച്ച് സംസാരിച്ച സ്മൃതി ഇറാനി, നിർഭാഗ്യകരമായ സംഭവം അറിഞ്ഞ സമയത്ത് താൻ ഒരു വീഡിയോ കോൺഫറൻസിലായിരുന്നുവെന്നും പറഞ്ഞു.
also read: വിങ്ങിപ്പൊട്ടി ജയറാം, വള വിറ്റ കാശിനെ കുറിച്ച് വിനീത്; ഇന്നസെന്‍റിനെ അനുസ്‌മരിച്ച് ജഗതിയും
