Palak Muchhal ties knot with Mithoon Sharma: ഗായിക പലക് മുച്ഛലും സംഗീത സംവിധായകന് മിത്തൂണ് ശര്മ്മയും വിവാഹിതരായി. ഞായറാഴ്ച മുംബൈയില് വച്ചു നടന്ന വിവാഹ ചടങ്ങില് ഇരുവരുടെയും അടുത്ത ബന്ധുക്കള് മാത്രമാണ് പങ്കെടുത്തത്. സുഹൃത്തുക്കള്ക്കും സഹപ്രവര്ത്തകര്ക്കുമായി വിവാഹ ദിനത്തില് വിവാഹ സല്ക്കാരവും ഒരുക്കിയിരുന്നു. താരനിബിഡമായിരുന്നു വിവാഹ സല്ക്കാരം.
Palak Muchhal Mithoon Sharma wedding pictures: തങ്ങളുടെ സോഷ്യല് മീഡിയ പേജുകളിലൂടെയാണ് വിവാഹ വാര്ത്ത പലക്കും മിത്തൂണും അറിയിച്ചിരിക്കുന്നത്. വിവാഹ ചിത്രങ്ങളും താര ദമ്പതികള് പങ്കുവച്ചിട്ടുണ്ട്. സമാനമായ നിറങ്ങളാണ് വിവാഹത്തിനും വിവാഹ സല്ക്കാരത്തിനുമായി ഇരുവരും തിരഞ്ഞെടുത്തത്. ക്രിംസണ് നിറമുള്ള ലെഹങ്ക ആയിരുന്നു പലക്കിന്റെ വേഷം. ബീജ് നിറമുള്ള ഷെര്വാണിയായിരുന്നു മിത്തൂണ് ധരിച്ചിരുന്നത്.
- " class="align-text-top noRightClick twitterSection" data="
">
Celebrities attend Palak Mithoon wedding: സംഗീത ലോകത്തെ നിരവധി പ്രമുഖരും വിവാഹ വിരുന്ന് സല്ക്കാരത്തില് പങ്കെടുത്തിരുന്നു. സോനു നിഗം, കൈലാഷ് ഖേര്, രശമി ദേശായി തുടങ്ങിയവര് പരമ്പരാഗത വസ്ത്രങ്ങള് ധരിച്ചാണ് ചടങ്ങിൽ പങ്കെടുത്തത്. ഗായകന് അര്മാന് മാലിക് തന്റെ മാതാപിതാക്കള്ക്കൊപ്പമാണ് ചടങ്ങളില് പങ്കെടുത്തത്.
ഭാര്യ യാസ്മിന് അലി, മകന് ആതിഫ് അലി എന്നിവര്ക്കൊപ്പം പിന്നണി ഗായകന് ജാവദ് അലിയും ചടങ്ങിന്റെ ഭാഗമായി. ഇന്ത്യന് വനിത ക്രിക്കറ്റ് താരം സ്മൃതി മന്ദാനയും വിവാഹ ചടങ്ങില് പങ്കെടുത്തു. തന്റെ കുടുംബത്തോടൊപ്പമാണ് നിര്മാതാവ് ഭൂഷണ് കുമാര് ചടങ്ങില് പങ്കെടുത്തത്. റുബീന ദിലൈക്കും അഭിനവ് ശുക്ലയും ചടങ്ങിന്റെ ഭാഗമായി.
