'ഏദൻ പൂവേ മനംതന്ന പെണ്ണേ...'; ഷെയിനും മഹിമയും ഒന്നിക്കുന്ന 'ലിറ്റിൽ ഹാർട്ട്‌സി'ലെ പുതിയ ​ഗാനമെത്തി

Little Hearts movie's Edan Poove Video song: കൈലാസ് മേനോൻ സംഗീതം പകർന്ന ഗാനം ആലപിച്ചിരിക്കുന്നത് കപിൽ കപിലനും, സന മൊയ്‌ദൂട്ടിയും ചേര്‍ന്നാണ്.

തിയേറ്ററുകളിൽ തകർപ്പൻ വിജയം നേടിയ 'ആർഡിഎക്‌സി'ന് ശേഷം ഷെയിൻ നി​ഗവും മഹിമ നമ്പ്യാരും പ്രണയ ജോഡികളാകുന്ന പുതിയ ചിത്രം വരുന്നു. ആന്‍റോ ജോസ് പെരേരയും എബി ട്രീസാ പോളും ചേർന്ന് തിരക്കഥ രചിച്ച് സംവിധാനം ചെയ്യുന്ന 'ലിറ്റിൽ ഹാർട്ട്‌സ്' എന്ന ചിത്രത്തിലാണ് ആരാധകരുടെ ഇഷ്‌ട ജോഡി വീണ്ടും ഒന്നിക്കുന്നത് ( Shane Nigam, Mahima Nambiar starrer Little Hearts movie). ഇപ്പോഴിതാ ഈ സിനിമയിലെ പുതിയ വീഡിയോ ​ഗാനം പുറത്ത് വന്നിരിക്കുകയാണ്.

• " class="align-text-top noRightClick twitterSection" data="">

'ലിറ്റിൽ ഹാർട്ട്‌സി'ലെ 'ഏദൻ പൂവേ മനംതന്ന പെണ്ണേ...' എന്ന് തുടങ്ങുന്ന ഗാനമാണ് അണിയറ പ്രവർത്തകർ പുറത്തുവിട്ടത് (Edan Poove Video song from Little Hearts movie out). ഷെയിൻ നി​ഗവും മഹിമ നമ്പ്യാരുമാണ് ഗാനരംഗത്തിൽ. സിബി, ശോശ എന്നീ കഥാപാത്രങ്ങളെയാണ് ഷെയിനും മഹിമയും ചിത്രത്തിൽ യഥാക്രമം അവതരിപ്പിക്കുന്നത്. സിബിയുടെയും ശോശയുടെയും കുട്ടിക്കാലവും ഗാന രംഗത്തിൽ വന്നുപോകുന്നുണ്ട്.

വിനായക് ശശികുമാറിന്‍റെ വരികൾക്ക് സംഗീതം പകർന്നിരിക്കുന്നത് കൈലാസ് മേനോനാണ്. കപിൽ കപിലൻ, സന മൊയ്‌ദൂട്ടി എന്നിവർ ചേർന്നാണ് ഗാനം ആലപിച്ചിരിക്കുന്നത്. മലയോര മേഖല പശ്ചാത്തലമാക്കിയാണ് 'ലിറ്റിൽ ഹാർട്ട്‌സ്' അണിയിച്ചൊരുക്കിയിരിക്കുന്നത്.

രണ്ട് കുടുംബങ്ങളിൽ അരങ്ങേറുന്ന വ്യത്യസ്‌തമായ പ്രണയമാണ് ചിത്രം പ്രദിപാദിക്കുന്നത്. ബാല്യകാല സുഹൃത്തുക്കളായ സിബിയും ശോശയും ഒരു ഘട്ടത്തിൽ തങ്ങളുടെ പ്രണയം തിരിച്ചറിയുന്നതും തുടർന്നുണ്ടാകുന്ന സംഭവ വികാസങ്ങളുമാണ് ചിത്രം പറയുന്നത്.

സാന്ദ്ര തോമസ് പ്രൊഡക്ഷൻസിന്‍റെ ബാനറിൽ സാന്ദ്ര തോമസും വിൽസൺ തോമസുമാണ് ഈ ചിത്രത്തിന്‍റെ നിർമാണം. ബാബുരാജ്, രൺജി പണിക്കർ, ഷൈൻ ടോം ചാക്കോ, ജാഫർ ഇടുക്കി, ഐമാ സെബാസ്റ്റ്യൻ, രമ്യാ സുവി, മാലാ പാർവതി എന്നിവരാണ് ഈ ചിത്രത്തിൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.

ലൂക്ക് ജോസ് ഛായാഗ്രഹണം നിർവഹിക്കുന്ന ചിത്രത്തിന്‍റെ എഡിറ്റിങ് കൈകാര്യം ചെയ്യുന്നത് നൗഫൽ അബ്‌ദുള്ളയാണ്. കലാസംവിധാനം അരുൺ ജോസ്, നിർവഹിക്കുന്നു. ക്രിയേറ്റീവ് ഡയറക്‌ടർ - ദിപിൽദേവ്, ക്രിയേറ്റീവ് ഹെഡ് - ഗോപികാ റാണി, പ്രൊഡക്ഷൻ കൺട്രോളർ - ഡേവിസൺ സി ജെ എന്നിവരാണ് ചിത്രത്തിന്‍റെ മറ്റ് അണിയറ പ്രവർത്തകർ. നിലവിൽ 'ലിറ്റിൽ ഹാർട്ട്‌സി'ന്‍റെ നിർമാണ പ്രവർത്തനങ്ങൾ പുരോഗമിക്കുകയാണ്. ഫെബ്രുവരി മധ്യത്തിൽ ചിത്രം പ്രദർശനത്തിനെത്തുമെന്നാണ് പ്രതീക്ഷിക്കുന്നത്.