Jersey trailer: ഷാഹിദ്‌ കപൂറിന്‍റെ ഏറ്റവും പുതിയ സ്‌പോര്‍ട്‌സ്‌ ഡ്രാമ ചിത്രമാണ് 'ജെഴ്‌സി'. 'ജെഴ്‌സി'യുടെ പുതിയ ട്രെയ്‌ലര്‍ പുറത്തിറങ്ങി. ഒന്നര മിനിറ്റ്‌ ദൈര്‍ഘ്യമുള്ള ട്രെയ്‌ലറില്‍ ഷാഹിദിന്‍റെ കഥാപാത്രത്തിന്‍റെ ക്രിക്കറ്റിലേയ്‌ക്കുള്ള യാത്രയാണ് ദൃശ്യവത്ക്കരിക്കുന്നത്‌.
- " class="align-text-top noRightClick twitterSection" data="">
അര്‍ജുന്‍ റായ്‌ചന്ദ്‌ എന്ന കഥാപാത്രത്തെയാണ് ചിത്രത്തില്‍ ഷാഹിദ്‌ അവതരിപ്പിക്കുന്നത്‌. ജീവിതത്തില്‍ വിജയം നേടാന്‍ കഴിയാതെ പോയ ഒരു ക്രിക്കറ്ററുടെ വേഷമാണ് സിനിമയില്‍ ഷാഹിദിന്. ഒരു ജെഴ്‌സി വേണമെന്ന മകന്‍റെ ആഗ്രഹം സാധിക്കാന്‍ കഷ്‌ടപ്പെടുന്ന അവസ്ഥയാണ് അര്‍ജുന്‍ റായ്‌ചന്ദിന്‌.
Jersey cast and crew: മൃണാള്‍ താക്കൂറാണ് ചിത്രത്തില്‍ നായികയായെത്തുന്നത്‌. റോണിത്‌ കംറ, പങ്കജ്‌ കപൂര്‍, ഷരദ്‌ കേല്‍ക്കര്‍ തുടങ്ങിയവരും ചിത്രത്തില്‍ മറ്റു പ്രധാന കഥാപാത്രങ്ങളെ അവതരിപ്പിക്കും. അനില്‍ മെഹ്‌ത ആണ് ഛായാഗ്രഹണം. നവീന്‍ നൂലി എഡിറ്റിങും നിര്‍വഹിക്കും. അനിരുദ്ധ്‌ രവിചന്ദര്‍ ആണ് പശ്ചാത്തല സംഗീതം. ദില്‍ രാജു, എസ്‌ നാഗ വംശി, അമന്‍ ഗില്‍ എന്നിവരാണ് നിര്‍മാണം.
Jersey Telugu remake: തെലുങ്ക്‌ സംവിധായകന്‍ ഗൗതം തിണ്ണനുറിയാണ് സംവിധാനം. ഗൗതം തിണ്ണനുറിയുടെ ബോളിവുഡ്‌ അരങ്ങേറ്റ ചിത്രം കൂടിയാണിത്‌. നാനിയെ നായകനാക്കി ഗൗതം 2019ല്‍ തെലുങ്കില്‍ ഒരുക്കിയ ഇതേപേരിലുള്ള (ജെഴ്‌സി) ചിത്രത്തിന്‍റെ റീമേക്കാണ് സിനിമ.
Jersey release: ഏപ്രില്‍ 14നാണ് ചിത്രം റിലീസിനെത്തുക. നേരത്തെ 2021 ഡിസംബര്‍ 31നാണ് ചിത്രം തിയേറ്ററുകളില്‍ എത്തിക്കാന്‍ നിശ്ചയിച്ചിരുന്നത്‌. പ്രഖ്യാപന സമയത്ത്‌ 2020 ഓഗസ്‌റ്റില്‍ ചിത്രം തിയേറ്ററുകളിലെത്തിക്കാനായിരുന്നു അണിയറപ്രവര്‍ത്തകരുടെ തീരുമാനം.
Also Read: രജനി ചിത്രം ഇനി പഴങ്കഥ ; ബോക്‌സ്‌ഓഫിസില്‍ കുതിച്ച്‌ 'ആര്‍ആര്‍ആര്‍'
