Thalapathy 67 villain: 'കെജിഎഫ്‌ 2'വില്‍ യാഷിന്‍റെ വില്ലനായതിന് പിന്നാലെ ദളപതി വിജയുടെ വില്ലനാകാനൊരുങ്ങി ബോളിവുഡ്‌ താരം സഞ്ജയ്‌ ദത്ത്‌. 'ദളപതി 67' ലാണ് വിജയുടെ വില്ലനാകാന്‍ സഞ്ജയ്‌ ദത്ത്‌ തയ്യാറെടുക്കുന്നത്‌ എന്നാണ് റിപ്പോര്‍ട്ടുകള്‍. ലോകേഷ്‌ കനകരാജ്‌ സംവിധാനം ചെയ്യുന്ന ചിത്രത്തില്‍ എതിരാളികളുടെ ഓപ്‌ഷനുകളുടെ പട്ടികയില്‍ സഞ്ജയ്‌ ദത്ത്‌ ഉണ്ടാകുമെന്നാണ് റിപ്പോര്‍ട്ടുകള്‍.
ദളപതി വൈകാരികമായ ചിത്രമായതിനാല്‍ അല്‍പം ശക്തമായ വില്ലന്‍ കഥാപാത്രം ആവശ്യമാണെന്നും വിവേക്‌ ഒബ്രോയ്‌ പ്രതിനായക വേഷം ചെയ്യുമെന്നുമായിരുന്നു നേരത്തെ റിപ്പോര്‍ട്ടുകള്‍ പുറത്തുവന്നത്‌. 'കെജിഎഫ്‌ 2'ന്‍റെ വന്‍ വിജയത്തിന് ശേഷമാണ് ഇതേകുറിച്ചുള്ള ചര്‍ച്ചകള്‍ ആരംഭിച്ചത്‌. 'മാസ്‌റ്ററി'ന് ശേഷം വിജയ്‌-ലോകേഷ്‌ കനകരാജ്‌ കൂട്ടുകെട്ടിലൊരുങ്ങുന്ന ചിത്രം കൂടിയാണിത്‌.
സിനിമയുടെ ചിത്രീകരണം ഈ വര്‍ഷം അവസാനത്തോടെ ആരംഭിക്കുമെന്നും റിപ്പോര്‍ട്ടുകളുണ്ട്‌. ലളിത്‌ കുമാര്‍ പ്രൊഡക്ഷന്‍ ആണ് ചിത്രം നിര്‍മിക്കുന്നതെന്നും സൂചനയുണ്ട്‌. അതേസമയം വംശി സംവിധാനം ചെയ്യുന്ന ചിത്രത്തിലാകും വിജയ്‌ അടുത്തതായി അഭിനയിക്കുകയെന്ന്‌ വാര്‍ത്തകള്‍ പ്രചരിച്ചിരുന്നു.
വംശി ചിത്രത്തിന്‍റെ ചെന്നൈ ഷെഡ്യൂള്‍ പൂര്‍ത്തിയായിട്ടുണ്ട്‌. ഹൈദരാബാദ്‌ ഫിലിം സിറ്റിയിലാണ് സിനിമയുടെ അടുത്ത ഷെഡ്യൂള്‍ നടക്കുക. സിനിമയില്‍ ഇരട്ട വേഷത്തിലാണ് വിജയ്‌ പ്രത്യക്ഷപ്പെടുക. ഇറട്ടോമാനിയ എന്ന അസുഖബാധിതനായും ഒരു യുവാവിന്‍റെ വേഷത്തിലുമാകും ചിത്രത്തില്‍ വിജയ്‌ എത്തുക. 'അഴകിയ തമിഴ്‌ മകന്‍', 'കത്തി', 'ബിഗില്‍' എന്നീ ചിത്രങ്ങള്‍ക്ക്‌ ശേഷം വിജയ്‌ ഇരട്ട വേഷത്തിലെത്തുന്ന ചിത്രം കൂടിയാണ് 'ദളപതി 66'.
നാനിയും സിനിമയില്‍ ഒരു സുപ്രധാന വേഷത്തിലെത്തും. രശ്‌മിക മന്ദാനയാണ് ചിത്രത്തിലെ നായിക. പൂജ ഹെഗ്‌ഡേ, കിരണ്‍ അദ്വാനി എന്നിവര്‍ ഉള്‍പ്പെടെയുള്ളവരെ ചിത്രത്തിനായി പരിഗണിച്ചിരുന്നെങ്കിലും ഒടുവില്‍ രശ്‌മികയെ തിരഞ്ഞെടുക്കുകയായിരുന്നു. എസ്‌.തമന്‍ ആണ് ചിത്രത്തിന് വേണ്ടി സംഗീതം നിര്‍വഹിക്കുക. ശ്രീ വെങ്കിട ക്രിയേഷന്‍സിന്‍റെ ബാനറില്‍ ദില്‍ രാജുവാണ്‌ നിര്‍മാണം.
Also Read: ബീസ്റ്റിലെ മാള്‍ സെറ്റിട്ടത്! മേക്കിങ് വിഡിയോയുടെ പ്രമൊ പുറത്ത്
