Salman Khan down with dengue: ബോളിവുഡ് സൂപ്പർ താരം സൽമാൻ ഖാന് ഡെങ്കിപ്പനി സ്ഥിരീകരിച്ചതായി റിപ്പോർട്ട്. തുടര്‍ന്ന് ബിഗ് ബോസ് സീസണ്‍ 16 ന്‍റെ അവതാരകനായി സംവിധായകന്‍ കരണ്‍ ജോഹര്‍ എത്തും. ഡെങ്കിപ്പനി ഭേദമാകും വരെ സല്മാന് ഖാന് ഷോയില്‍ ഉണ്ടായിരിക്കില്ല. ജോലി ചെയ്യരുതെന്നും മതിയായ വിശ്രമം എടുക്കണമെന്നും 56 കാരനായ താരത്തോട് ഡോക്‌ടര്‍മാര്‍ നിര്‍ദേശിച്ചതിനെ തുടര്‍ന്നാണിത്.
Karan Johar takes over as host: അതേസമയം സല്‍മാന്‍റെ ആരോഗ്യനില മോശമാണെന്ന റിപ്പോര്‍ട്ടുകള്‍ താരമോ താരത്തോടടുത്ത വൃത്തങ്ങളോ ഇതുവരെയും സ്ഥിരീകരിച്ചിട്ടില്ല. ബിഗ് ബോസ് അണിയറപ്രവര്‍ത്തകരാണ് സല്മാന് ഖാന്‍റെ അഭാവത്തില്‍ കരണ്‍ ജോഹറെ അവതാരകനായി തിരഞ്ഞെടുത്തത്. സല്മാന് പകരം ആ സ്ഥാനത്ത് കരണ്‍ ജോഹറാണ് ബിഗ് ബോസ് 16ന്‍റെ വീക്കെന്‍ഡ്‌ സ്‌പെഷ്യല്‍ എപ്പിസോഡില്‍ അവതാരകനായെത്തുക.
കരണ്‍ ജോഹര്‍ മത്സരാര്‍ഥികളോട് എങ്ങനെ ഇടപെടും എന്നത്‌ കാണാനുള്ള കാത്തിരിപ്പിലാണ് പ്രേക്ഷകര്‍. ഷോയില്‍ അവരെ റോസ്‌റ്റ്‌ ചെയ്യുമോ എന്നാണ് പ്രേക്ഷകര്‍ ഉറ്റുനോക്കുന്നത്. സുമ്പുല്‍ തൗക്കീര്‍ ഖാന്, മാന്യ സിങ്, ഷാലിന്‍ ഭാനോട്ട് എന്നിവരാണ് ഈ ആഴ്‌ചയില്‍ നാമനിര്‍ദേശം ചെയ്യപ്പെട്ട മത്സരാര്‍ഥികള്‍. അതേസമയം ഷോയിൽ ഏറ്റവും മോശം പ്രകടനം കാഴ്‌ചവച്ച മത്സരാർഥിയായി ടീന ദത്തയും, ശാലിനും, സുമ്പുളും തിരഞ്ഞെടുക്കപ്പെട്ടു.
Karan Johar hosted Bigg Boss OTT: ഷോയുടെ ഞായര്‍, തിങ്കള്‍ എപ്പിസോഡുകളുടെ ഷൂട്ടിങ് ഇന്നാണ്‌ (ഒക്‌ടോബര്‍ 22ന്) നടത്തുന്നത്. ഇന്ന് രാത്രി സംപ്രേക്ഷണം ചെയ്യുന്ന എപ്പിസോഡ്‌ ഇതിനോടകം തന്നെ ചിത്രീകരിച്ചിട്ടുണ്ട്. കരണ്‍ ജോഹര്‍ ആയിരുന്നു ബിഗ് ബോസ് ഒടിടിയുടെ ആദ്യ സീസണിന്‍റെ അവതാരകന്‍.
Salman Khan will be back on set: ആരോഗ്യം വീണ്ടെടുക്കും വരെ സല്മാന് ഖാന് തന്‍റെ പുതിയ സിനിമകളില്‍ നിന്നും വിട്ടുനില്‍ക്കും. തുടര്‍ന്ന് താരത്തിന്‍റെ 'കിസി കാ ഭായ്‌ കിസി കീ ജാന്‍' എന്ന സിനിമയുടെ ഷൂട്ടിംഗും നിര്‍ത്തിവച്ചു. സുഖം പ്രാപിച്ചാല്‍ ഒക്‌ടോബര്‍ 25ന് താരം സിനിമ സെറ്റില്‍ തിരിച്ചെത്തും.
Also Read: 'ബിഗ്ബോസ് സീസണ്‍ 16'ന്‍റെ പ്രത്യേക എപ്പിസോഡില്‍ സല്മാന് ഖാന് പകരം കരണ്‍ ജോഹര്‍
