Amitabh Bachchan Goodbye : അമിതാഭ് ബച്ചന്‍ കേന്ദ്രകഥാപാത്രമായെത്തുന്ന ചിത്രമാണ് 'ഗുഡ്‌ബൈ'. ചിത്രത്തില്‍ രശ്‌മിക മന്ദാനയും വേഷമിടുന്നുണ്ട്‌. നടിക്കൊപ്പമുള്ള 'ഗുഡ്‌ബൈ'യിലെ ലൊക്കേഷന്‍ ചിത്രവുമായി എത്തിയിരിക്കുകയാണ് ബിഗ്‌ ബി.
Amitabh Bachchan Pushpa post: 'പുഷ്‌പ' എന്ന അടിക്കുറിപ്പോടുകൂടിയാണ് താരം ചിത്രം പങ്കുവച്ചിരിക്കുന്നത്‌. രശ്‌മിക മന്ദാനയുടേതായി ഏറ്റവും ഒടുവിലായി പുറത്തിറങ്ങിയ ചിത്രമാണ് 'പുഷ്‌പ'. ബച്ചന്‍റെ ഈ പോസ്റ്റിന് രശ്‌മിക മന്ദാനയും മറുപടിയുമായി എത്തിയിട്ടുണ്ട്‌. 'പുഞ്ചിരിയും സ്നേഹവും നന്ദിയും മാത്രം' - അതേ ചിത്രം പങ്കുവച്ച് രശ്‌മിക കുറിച്ചു.
- " class="align-text-top noRightClick twitterSection" data="
">
Rashmika Mandanna bollywood movies: രശ്‌മികയുടെ രണ്ടാമത്തെ ബോളിവുഡ്‌ ചിത്രമാണ് 'ഗുഡ്‌ബൈ'. സിദ്ധാര്‍ഥ്‌ മല്‍ഹോത്രക്കൊപ്പമുള്ള 'മിഷന്‍ മജ്‌നു' ആണ് രശ്‌മികയുടെ അരങ്ങേറ്റ ബോളിവുഡ്‌ ചിത്രം. വികാസ്‌ ബല്‍ ആണ് 'ഗുഡ്‌ബൈ'യുടെ സംവിധാനം.
Also Read: അപ്രതീക്ഷിതമായി അജിത് പെരുവെമ്പ്‌ ക്ഷേത്രത്തിൽ ; ഓടിക്കൂടി ആരാധകർ
Rashmika Mandanna career: പരസ്യ ചിത്രത്തിന്‍റെ മോഡലായാണ് രശ്‌മിക മന്ദാനയുടെ കരിയര്‍ ആരംഭിച്ചത്‌. ശേഷമാണ് രക്ഷിത്‌ ഷെട്ടി നായകനായെത്തിയ 'കിരിക്‌ പാര്‍ട്ടി' എന്ന ചിത്രത്തിലേക്ക്‌ രശ്‌മികയ്‌ക്ക്‌ ക്ഷണം വരുന്നത്‌. പിന്നീട്‌ പുനീത്‌ രാജ്‌കുമാറിന്‍റെ നായികയായി ഹര്‍ഷ സംവിധാനം ചെയ്‌ത 'അഞ്ജനി പുത്ര'യില്‍ ഗണേഷിന്‍റെ നായികയായി 'ചമക്കി'ലും വേഷമിട്ടു. മഹേഷ്‌ ബാബുവിനൊപ്പം 'ശരിലേരു നീകെവ്വരു' എന്ന സിനിമയിലും അഭിനയിച്ചു. അവസാനമായി അല്ലു അര്‍ജുന്‍- ഫഹദ്‌ ഫാസില്‍ ചിത്രം 'പുഷ്‌പ : ദ റൈസി'ലും വേഷമിട്ടു.
Amitabh Bachchan upcoming movies: ആലിയ ഭട്ട്‌, രണ്‍ബീര്‍ കപൂര്‍ എന്നിവരെ കേന്ദ്രകഥാപാത്രങ്ങളാക്കി അയാന്‍ മുഖര്‍ജി സംവിധാനം ചെയ്യുന്ന 'ബ്രഹ്‌മാസ്‌ത്ര'യാണ് അമിതാഭ് ബച്ചന്‍റെ പുതിയ പ്രോജക്‌ടുകളിലൊന്ന്‌. ദീപിക പദുകോണിന്‍റെ ഹോളിവുഡ്‌ ചിത്രം 'ഇന്‍റേണി'ന്‍റെ റീമേക്ക്‌ ആണ് അദ്ദേഹത്തിന്‍റെ മറ്റൊരു പുതിയ ചിത്രം. അന്തരിച്ച, ഋഷി കപൂറും 'ഇന്‍റേണി'ന്‍റെ ഭാഗമായിരുന്നു.
നഗ്രജ്‌ മഞ്ജുളയുടെ 'ഝണ്ഡി'ലാണ് അമിതാഭ് ബച്ചന്‍ ഏറ്റവും ഒടുവിലായി പ്രത്യക്ഷപ്പെട്ടത്‌. 'കോന്‍ ബനേഗാ ക്രോര്‍പതി' എന്ന ടെലിവിഷന്‍ ക്വിസ്‌ ഷോയുടെ 13ാം സീസണില്‍ അവതാരകന്‍ കൂടിയായിരുന്നു അമിതാഭ് ബച്ചന്‍.
