കൊവിഡ് 19 മഹാമാരിയെ തുടർന്നുണ്ടായ ലോക്‌ഡൗൺ ഇന്ത്യൻ ജനതയെ എങ്ങനെയെല്ലാം ബാധിച്ചു എന്നതിനെ ആസ്‌പദമാക്കി സംവിധായകൻ അനുഭവ് സിൻഹ ഒരുക്കുന്ന സിനിമയാണ് ‘ഭീഡ്’. തൻ്റെ പുതിയ സിനിമ ഭീഡിലൂടെ കൊവിഡ് കാലത്തെ ഭീകരത സ്‌ക്രീനില്‍ പുനരാവിഷ്‌കരിച്ചിരിക്കുകയാണ് അനുഭവ് സിൻഹ. രാജ് കുമാർ റാവു നായകനാകുന്ന സിനിമയുടെ ട്രെയിലർ ടി-സീരീസ് അവരുടെ യൂട്യൂബ് ചാനലിൽ പങ്കുവച്ചു.
രണ്ട് മിനിറ്റിലധികം ദൈർഘ്യമുള്ള വീഡിയോയിൽ കൊവിഡ് സമയത്തെ പെട്ടന്നുള്ള ലോക്‌ഡൗൺ പ്രഖ്യാപനത്തിൽ വലഞ്ഞ പൊതുജനത്തെയാണ് കാണിക്കുന്നത്. 2020 ലെ ആദ്യ ലോക്‌ഡൗൺ അതിഥി തൊഴിലാളികളിൽ ഉണ്ടാക്കിയ പ്രത്യാഘാതങ്ങൾ ട്രെയിലർ എടുത്തുകാണിക്കുന്നുണ്ട്. പ്രധാനമന്ത്രി നരേന്ദ്ര മോദി സമ്പൂർണ ലോക്‌ഡൗൺ പ്രഖ്യാപിക്കുമ്പോൾ അതിഥി- തൊഴിലാളികൾ നാട്ടിലേക്ക് മടങ്ങാൻ ശ്രമിക്കുന്നതും തുടർന്നുണ്ടാകുന്ന പ്രത്യാഘാതങ്ങളുമാണ് സിനിമയുടെ ഇതിവൃത്തം.
- " class="align-text-top noRightClick twitterSection" data="">
നാടു കടക്കാൻ ശ്രമിക്കുന്ന അതിഥി തൊഴിലാളുടെ കഥ: കൊറോണ വൈറസ് പടരുമെന്ന ഭയത്താൽ സംസ്ഥാന അതിർത്തികൾ അടച്ചുപൂട്ടിയ രാജ്യത്തെ ഇരുണ്ട ലോക്‌ഡൗൺ കാലഘട്ടത്തിൽ നാടുകടക്കാൻ ശ്രമിക്കുന്ന അതിഥി തൊഴിലാളികളെ റോഡരികിലിട്ട് പൊലീസ് മർദിക്കുന്നതും, അവരുടെ ദേഹത്ത് അണുനാശിനി തളിക്കുന്നതുമായ ക്രൂരകൃത്യങ്ങൾ കാണിച്ചു കൊണ്ടാണ് ട്രെയിലർ ആരംഭിക്കുന്നത്. ജനങ്ങൾക്ക് വേണ്ടി പോരാടുന്ന സത്യസന്ധനായ ഒരു പൊലീസുകാരൻ്റെ വേഷത്തിലാണ് രാജ്‌കുമാർ റാവു സിനിമയിൽ വേഷമിടുന്നത്. ‘നീതി എപ്പോഴും ശക്തരുടെ കൈകളിലാണ്, അധികാരമില്ലാത്തവൻ നീതി നടപ്പാക്കിയാൽ നീതി വ്യത്യസ്‌തമായിരിക്കും’ എന്ന ട്രെയിലറിലെ രാജ് കുമാറിൻ്റെ വാക്കുകൾ ഏറെ ശ്രദ്ധേയമാണ്.
- " class="align-text-top noRightClick twitterSection" data="
">
തൊഴിലാളികളുടെ ദുരവസ്ഥയെക്കുറിച്ച് സംസാരിക്കുന്ന ഒരു പത്രപ്രവർത്തകയുടെ വേഷത്തിലാണ് കൃതിക കമ്ര സിനിമയിൽ എത്തുന്നത്. ഒരു കുട്ടിയുമായി ഫോണിൽ സംസാരിക്കുന്നതിനിടെ കരയുന്ന ദിയ മിർസയേയും ട്രെയിലറിൽ കാണാൻ സാധിക്കും. രാജ്‌കുമാറിനൊപ്പം ഈ അവസ്ഥക്ക് ഒരു മാറ്റം കൊണ്ടുവരാൻ ആഗ്രഹിക്കുന്ന ഒരു ഡോക്‌ടറുടെ വേഷമാണ് ഭൂമി പട്‌നേക്കർ ചിത്രത്തിൽ അവതരിപ്പിക്കുന്നത്. അശുതോഷ് റാണയെ ഒരു നെഗറ്റീവ് കഥാപാത്രമായി ട്രെയിലറിൻ്റെ അവസാനം കാണിക്കുന്നുണ്ട്. കണ്ടിരിക്കുന്ന പ്രേക്ഷകരിൽ വളരയധികം അസ്വസ്ഥത ഉണ്ടാക്കുന്ന ട്രെയിലറാണ് ‘ഭീഡ്’ ൻ്റെത്. അഞ്ച് മില്യണിലധികം വ്യൂസാണ് ഇതുവരെ രാജ്‌കുമാര്‍ റാവുവിന്‍റെ ഭീഡ് ട്രെയിലറിന് യൂടൂബില്‍ ലഭിച്ചിരിക്കുന്നത്.
also read: 'പഠാന് മതമില്ല, രാജ്യം മാത്രം' ; വെട്ടിമാറ്റിയ രംഗം ഒടിടി റിലീസില്‍ ഉള്‍പ്പെടുത്തുമെന്ന് സംവിധായകന്‍
ബ്ലാക്ക് ആൻഡ് വൈറ്റ് സിനിമ: സിനിമ പൂർണ്ണമായും ബ്ലാക്ക് ആൻഡ് വൈറ്റിൽ ആണ് കാണാൻ സാധിക്കുക. ‘എല്ലാം മാറ്റിമറിച്ച ഏറ്റവും അപകടകരമായ കാലത്തെ ‘മനുഷ്യരാശിയുടെ കഥയാണ് ഭീഡ്. രാജ്യാതിർത്തി അടയ്‌ക്കപ്പെട്ടപ്പോള്‍ ഞൊടിയിടയിൽ ജീവിതത്തിലെ എല്ലാ വർണ്ണങ്ങളും നഷ്‌ടപ്പെട്ട് ജീവിതം താറുമാറായ ചില മനുഷ്യരെ കുറിച്ചുള്ളതാണ് സിനിമയുടെ കഥ’, സിനിമയുടെ സംവിധായകൻ മാധ്യമങ്ങളോട് പറഞ്ഞു. അനുഭവ് സിൻഹ സംവിധാനം ചെയ്യുന്ന ഭീഡ് മാർച്ച് 24 ന് തിയേറ്ററുകളിൽ റിലീസ് ചെയ്യും.
