Keedam Teaser: രജിഷ വിജയനെ കേന്ദ്ര കഥാപാത്രമാക്കി രാഹുല്‍ റിജി നായര്‍ സംവിധാനം ചെയ്യുന്ന 'കീട'ത്തിന്‍റെ ടീസര്‍ പുറത്തിറങ്ങി. ത്രില്ലര്‍ വിഭാഗത്തില്‍ പെടുന്ന ചിത്രമെന്നാണ് ടീസര്‍ നല്‍കുന്ന സൂചന. 43 സെക്കന്‍റ്‌ ദൈര്‍ഘ്യമുള്ള ടീസറില്‍ രജിഷ വിജയന്‍, ശ്രീനിവാസന്‍, വിജയ്‌ ബാബു എന്നിവരാണ് ഹൈലൈറ്റാകുന്നത്‌.
- " class="align-text-top noRightClick twitterSection" data="">
സംവിധായകന്‍ രാഹുല്‍ റിജി നായര്‍ തന്നെയാണ് ചിത്രത്തിന്‍റെ രചന നിര്‍വഹിക്കുന്നതും. രജിഷ നായികയായെത്തിയ 'ഖോ ഖോ'യ്‌ക്ക്‌ ശേഷം രാഹുല്‍ സംവിധാനം ചെയ്യുന്ന ചിത്രമാണിത്‌. രഞ്ജിത്‌ ശേഖര്‍ നായര്‍, മണികണ്‌ഠന്‍ പട്ടാമ്പി, ആനന്ദ്‌ മന്‍മഥന്‍, മഹേഷ്‌ എം നായര്‍ തുടങ്ങിയവര്‍ ചിത്രത്തില്‍ അണിനിരക്കും.
Keedam cast and crew: ഫസ്‌റ്റ്‌ പ്രിന്‍റ്‌ സ്‌റ്റുഡിയോസിന്‍റെ ബാനറില്‍ സുജിത്‌ വാരിയര്‍, ലിജോ ജോസഫ്‌, രഞ്ചന്‍ എന്നിവര്‍ ചേര്‍ന്നാണ് നിര്‍മാണം. രാകേഷ്‌ ധരന്‍ ആണ് ഛായാഗ്രഹണം. ക്രിസ്‌റ്റി സെബാസ്‌റ്റ്യന്‍ എഡിറ്റിങും നിര്‍വഹിക്കും. സിദ്ധാര്‍ഥ്‌ പ്രദീപ്‌ ആണ് സംഗീതം. സതീഷ്‌ നെല്ലായ ആണ് കലാസംവിധാനം. രതീഷ്‌ പുല്‍പള്ളി മേക്കപ്പും നിര്‍വഹിക്കും. വിനീത്‌ വേണു, ജോം ജോയ്‌, ഷിന്‍റോ കെ.എസ്‌ എന്നിവരാണ് സഹനിര്‍മാതാക്കള്‍.
Also Read: Eesho | ഈശ്വരന്‍ അല്ല.. ഈശോ..; ഭീഷണിയുടെ സ്വരത്തില്‍ ജയസൂര്യ
