Prithviraj about director Sachy: അന്തരിച്ച സംവിധായകന്‍ സച്ചിയെ ഓര്‍ത്ത് വികാരാധീനനായി നടന്‍ പൃഥ്വിരാജ്. സച്ചി എവിടെ ആയിരുന്നാലും ഇപ്പോള്‍ സന്തോഷിക്കുകയായിരിക്കുമെന്ന് നടന്‍ പൃഥ്വിരാജ്. ദേശീയ ചലച്ചിത്ര പുരസ്‌കാര നിറവിലാണ് പൃഥ്വിയുടെ ഈ ഓര്‍ക്കുറിപ്പ്. ഫേസ്‌ബുക്കിലൂടെയായിരുന്നു പൃഥ്വി കുറിപ്പ് പങ്കുവച്ചത്. ഒപ്പം 68ാമത് ദേശീയ ചലച്ചിത്ര പുരസ്‌കാര ജേതാക്കളായ ബിജു മേനോനും നഞ്ചിയമ്മയ്‌ക്കും പൃഥ്വി ആശംസകളും നേര്‍ന്നു.
- " class="align-text-top noRightClick twitterSection" data="">
Prithviraj facebook post on National Awards: 'ബിജു ചേട്ടനും നഞ്ചിയമ്മയ്‌ക്കും 'അയ്യപ്പനും കോശിയു'ടെ മുഴുവന്‍ ടീമിനും അഭിനന്ദനങ്ങള്‍. പിന്നെ സച്ചി..എനിക്ക് എന്ത് പറയണമെന്ന് അറിയില്ല മനുഷ്യാ.. എവിടെയായിരുന്നാലും സന്തോഷവാനാണെന്ന് ഞാന്‍ പ്രതീക്ഷിക്കുന്നു. ഞാന്‍ നിങ്ങളെ ഓര്‍ത്ത് അഭിമാനിക്കുന്നു. എന്നും അങ്ങനെയായിരിക്കും.' -ഇപ്രകാരമാണ് പൃഥ്വിരാജ് കുറിച്ചത്.
Ayyappanum Koshiyum bags top honours at National Film Awards: 68ാമത് ദേശീയ ചലച്ചിത്ര പുരസ്‌കാരത്തില്‍ ഇക്കുറി നാല് പുരസ്‌കാരങ്ങളാണ് 'അയ്യപ്പനും കോശിയും' നേടിയത്. ഈ ചിത്രത്തിലൂടെ മികച്ച സംവിധായകനുള്ള പുരസ്‌കാരം സച്ചിക്ക് ലഭിച്ചു. ബിജു മേനോന്‍ മികച്ച സഹ നടനുള്ള പുരസ്‌കാരവും നഞ്ചിയമ്മ മികച്ച പിന്നണി ഗായികയ്‌ക്കുള്ള പുരസ്‌കാരവും നേടി. മികച്ച സംഘട്ടന സംവിധാനത്തിനുള്ള പുരസ്‌കാരവും 'അയ്യപ്പനും കോശിയും' നേടി.
