ഇതിഹാസ കാവ്യമായ രാമായണത്തെ അടിസ്ഥാനമാക്കിയുള്ള 'ആദിപുരുഷ്' ആണ് പ്രഭാസിന്‍റേതായി റിലീസിനൊരുങ്ങുന്ന ചിത്രം. പ്രഭാസ് ആരാധകര്‍ നാളേറെയായി ആകാംക്ഷയോടെ കാത്തിരിക്കുന്ന പുരാണ ഫാന്‍റസി ചിത്രങ്ങളില്‍ ഒന്ന് കൂടിയാണിത്. രാമനവമിയോട് അനുബന്ധിച്ച് മാർച്ച് 30 മുതൽ സിനിമയുടെ പ്രൊമോഷന്‍ പരിപാടികള്‍ ആരംഭിച്ചിരിക്കുകയാണ്.
ഇതിന്‍റെ ഭാഗമായി 'ആദിപുരുഷി'ന്‍റെ പുതിയ പോസ്‌റ്റര്‍ അണിയറ പ്രവര്‍ത്തകര്‍ പുറത്തുവിട്ടു. ഭഗവാന്‍ രാമനായാണ് ചിത്രത്തില്‍ പ്രഭാസ് വേഷമിടുന്നത്. ജാനകി എന്ന കഥാപാത്രത്തെ കൃതി സനോണും അവതരിപ്പിക്കും. പ്രഭാസ്, കൃതി സനോൻ എന്നിവരെ കൂടാതെ സണ്ണി സിങ്ങും ചിത്രത്തില്‍ സുപ്രധാന വേഷത്തില്‍ എത്തുന്നുണ്ട്.
- " class="align-text-top noRightClick twitterSection" data="
">
മാർച്ച് 30ന് രാമനവമി ദിനത്തില്‍ 'ആദിപുരുഷി'ന്‍റെ പ്രചാരണങ്ങള്‍ക്ക് തുടക്കം കുറിച്ചു. ഇതിന്‍റെ ഭാഗമായി ഭൂഷൺ കുമാറും സംവിധായകൻ ഓം റൗട്ടും മാതാ വൈഷ്ണോ ദേവിയുടെ അനുഗ്രഹം തേടി. ശ്രീരാമന്‍റെ കഥയെ ചുറ്റിപ്പറ്റിയുള്ളതാണ് ചിത്രം. തിന്മയുടെ മേലുള്ള നന്മയുടെ വിജയമാണ് പ്രമേയം.
പ്രഭാസ് ശ്രീരാമനായും കൃതി സനോൻ സീതയായും പോസ്‌റ്ററില്‍ പ്രത്യക്ഷപ്പെടുന്നു. ലക്ഷമണനായി സണ്ണി സിങ്ങും പോസ്‌റ്ററില്‍ ഇടംപിടച്ചു. മൂന്ന് ഭാഷകളിലായി പുറത്തിറങ്ങിയ പോസ്‌റ്റര്‍ പ്രഭാസ് തന്‍റെ ഇന്‍സ്റ്റ‌ഗ്രാമില്‍ പങ്കുവച്ചിട്ടുണ്ട്‌.
ടി സീരീസ് ഫിലിംസും റിട്രിഫിൽസും ചേർന്ന് 500 കോടി രൂപ ബജറ്റിലാണ് ചിത്രം നിർമിച്ചിരിക്കുന്നത്. ജൂണ്‍ 16ന് വേള്‍ഡ് വൈഡ് റിലീസായി തിയേറ്ററുകളില്‍ എത്തുന്ന ആദിപുരുഷ് ഇന്ത്യയിലെ ഏറ്റവും ചെലവേറിയ സിനിമകളിലൊന്നാണ്. ശ്രീരാമനായി പ്രഭാസ് എത്തുമ്പോള്‍ രാവണനായി വേഷം ഇടുന്നത് ബോളിവുഡ് താരം സെയ്‌ഫ് അലി ഖാന്‍ ആണ്. ലക്ഷ്‌മണനായാണ് സണ്ണി സിങ് എത്തുന്നത്.
ഈ വര്‍ഷം പ്രേക്ഷകര്‍ വളരെ ആകാംക്ഷയോടെ കാത്തിരിക്കുന്ന ചിത്രങ്ങളില്‍ ഒന്ന് കൂടിയാണ് 'ആദിപുരുഷ്'. 7,000 വർഷങ്ങൾക്ക് മുമ്പ് ലങ്ക ദ്വീപിലേക്ക് യാത്ര ചെയ്‌ത അയോധ്യയിലെ രാജാവായ രാഘവനെ പിന്തുടരുന്നതാണ് ചിത്രത്തിന്‍റെ കഥാതന്തു. ലങ്കയിലെ രാജാവായ ലങ്കേഷ് തട്ടിക്കൊണ്ടുപോയ ജാനകിയെ രക്ഷിക്കുക എന്നതായിരുന്നു അദ്ദേഹത്തിന് ഒരു ലക്ഷ്യം.
രാജമൗലിയുടെ ബാഹുബലി സീരീസിലൂടെ ലോകമെമ്പാടുമുള്ള പ്രേക്ഷക ഹൃദയങ്ങളിൽ ഇടംപിടിച്ച താരമാണ് പ്രഭാസ്. 'ആദിപുരുഷി'ല്‍ പ്രഭാസും കൃതിയും ഒന്നിച്ചെത്തിയത് മുതല്‍ ഇരുവരും തമ്മിൽ ഇഷ്‌ടത്തിലാണെന്ന തരത്തിൽ വാർത്തകൾ പ്രചരിച്ചിരുന്നു. എന്നാലിപ്പോൾ അത്തരം അഭ്യൂഹങ്ങൾക്ക് ആക്കം കൂട്ടുന്നതാണ് പുതിയ റിപ്പോർട്ടുകൾ.
പ്രഭാസ്-കൃതി ഡേറ്റിങ് വാർത്തകൾ പ്രചരിക്കുമ്പോൾ ആരാധകരും സന്തോഷത്തിലാണ്. സോഷ്യൽ മീഡിയയിൽ #PraKriti (പ്രകൃതി) എന്ന ഹാഷ്‌ടാഗും ട്രെൻഡിങ്ങിലാണ്. 'ആദിപുരുഷ്' സെറ്റിൽ വച്ച് പ്രഭാസ് കൃതിയോട് പ്രണയാഭ്യാർഥന നടത്തിയതായും ഇരുവരും തമ്മിൽ ഇപ്പോൾ പ്രണയത്തിലാണെന്നും വിവാഹം ഉടൻ ഉണ്ടാകുമെന്നും സിനിമ നിരൂപകനായ ഉമൈർ സന്ധുവും സോഷ്യല്‍ മീഡയയിലൂടെ അറിയിച്ചിരുന്നു. 'ആദിപുരുഷി'ന്‍റെ റിലീസിന് ശേഷം പ്രഭാസും കൃതി സനോണും വിവാഹ നിശ്ചത്തിന് ഒരുങ്ങുകയാണെന്നും റിപ്പോര്‍ട്ടുണ്ട്.
'ആദിപുരുഷി'ന്‍റെ റിലീസിന് ശേഷം ഇരുവരും വിവാഹ നിശ്ചയത്തിന് ഒരുങ്ങുകയാണെന്ന തരത്തിലാണ് റിപ്പോർട്ടുകൾ പ്രചരിക്കുന്നത്. നിലവിൽ ദീപികയ്‌ക്കൊപ്പം 'പ്രൊജക്‌ട് കെ' എന്ന ചിത്രത്തിന്‍റെ ഷൂട്ടിങ് തിരക്കിലാണ് പ്രഭാസ്.
Also Read: പ്രഭാസും കൃതിയും പ്രണയത്തിൽ? സിനിമയിലെ രാമനും സീതയും ജീവിതത്തിലും ഒന്നിക്കുമോ...
