നിരഞ്ജും ആത്മീയയും ഒന്നിക്കുന്ന 'അച്ഛനൊരു വാഴ വെച്ചു'; ട്രെയിലർ പുറത്ത്

നിരഞ്ജ് രാജു, എവി അനൂപ്, ശാന്തി കൃഷ്‌ണ, ആത്മീയ എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്

നിരഞ്ജ് രാജു, എവി അനൂപ്, ശാന്തി കൃഷ്‌ണ, ആത്മീയ എന്നിവരെ കേന്ദ്ര കഥാപാത്രങ്ങളാക്കി സാന്ദീപ് സംവിധാനം ചെയ്യുന്ന 'അച്ഛനൊരു വാഴ വെച്ചു' (Achanoru Vazha Vechu) ചിത്രത്തിന്‍റെ ട്രെയിലർ പുറത്ത്. സാന്ദീപിന്‍റെ ആദ്യ സംവിധാന സംരംഭമായ 'അച്ഛനൊരു വാഴ വെച്ചു' ഒരു കളർഫുൾ എൻ്റർടെയ്‌നർ ചിത്രമായാണ് അണിയിച്ചൊരുക്കിയിരിക്കുന്നത്.

• " class="align-text-top noRightClick twitterSection" data="">

പേരുപോലെ തന്നെ വ്യത്യസ്‌തമായ കഥ പശ്ചാത്തലവുമായി എത്തുന്ന ചിത്രത്തിന്‍റെ ട്രെയിലർ ശ്രദ്ധ നേടുകയാണ്. ധ്യാന്‍ ശ്രീനിവാസന്‍, മുകേഷ്, ജോണി ആന്‍റണി, അപ്പാനി ശരത്, ഫുക്രു, ഭഗത് മാനുവൽ, സോഹൻ സീനു ലാൽ, അശ്വിൻ മാത്യു, മീര നായർ, ലെന, ദീപ ജോസഫ്, കുളപ്പുള്ളി ലീല തുടങ്ങിയവരാണ് ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.

എവിഎ പ്രൊഡക്ഷൻസിന്‍റെ ബാനറിൽ ഡോക്‌ടര്‍ എവി അനൂപാണ് ഈ ചിത്രത്തിന്‍റെ നിർമാണം. ഇവരുടെ 25-ാമത്തെ ചിത്രം കൂടിയാണ് 'അച്ഛനൊരു വാഴ വെച്ചു'. അതേസമയം ചിത്രം പ്രദർശനത്തിനെത്തിക്കുന്നത് മലയാളത്തിലെ പ്രമുഖ നിർമാണ - വിതരണ കമ്പനിയായ ഇ ഫോർ എന്‍റർടെയ്‌ന്‍മെന്‍റാണ്.

മനു ഗോപാൽ ആണ് ചിത്രത്തിനായി കഥയും തിരക്കഥയും സംഭാഷണവും ഒരുക്കിയിരിക്കുന്നത്. പി സുകുമാർ ഛായാഗ്രാഹകനായ ചിത്രത്തിന്‍റെ എഡിറ്റിങ് നിര്‍വഹിച്ചിരിക്കുന്നത് വി സാജൻ ആണ്. കെ ജയകുമാർ, സുഹൈൽ കോയ, മനു മഞ്ജിത്ത്, സിജു തുറവൂർ എന്നിവരുടെ വരികൾക്ക് ബിജിബാൽ ആണ് ഈണം പകരുന്നത്. ബിജി ബാലാണ് പശ്ചാത്തല സംഗീതവും ഒരുക്കുന്നത്.

കല - ത്യാഗു തവന്നൂർ, മേക്കപ്പ് - പ്രദീപ് രംഗൻ, കോസ്റ്റ്യൂംസ് - ദിവ്യ ജോബി, പ്രൊഡക്ഷൻ കൺട്രോളർ - വിജയ് ജി എസ്, പ്രൊഡക്ഷൻ എക്‌സിക്യൂട്ടീവ് - നസീർ കാരന്തൂർ, സ്‌റ്റിൽസ് - ശ്രീജിത്ത് ചെട്ടിപ്പടി, പോസ്‌റ്റർ ഡിസൈൻ - കോളിൻസ് ലിയോഫിൽ, , ചീഫ് അസോസിയേറ്റ് ഡയറക്‌ടർ - രതീഷ് പാലോട്, അസോസിയേറ്റ് ഡയറക്‌ടർ - പ്രവി നായർ, അസിസ്‌റ്റന്‍റ്‌ ഡയറക്‌ടർ - ഹരീഷ് മോഹൻ, അലീഷ, ഷാഫി റഹ്മാൻ എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.

രാജ് ബി ഷെട്ടിയുടെ 'ടോബി' ട്രെയിലർ പുറത്ത്: കന്നഡയിലെ കള്‍ട്ട് ക്ലാസിക് ചിത്രം 'ഗരുഡ ഗമന ഋഷഭ വാഹന'യ്‌ക്ക് ശേഷം രാജ് ബി. ഷെട്ടി മറ്റൊരു ചിത്രവുമായി വീണ്ടും എത്തുന്നു. രാജ് ബി ഷെട്ടി നായകനായി എത്തുന്ന 'ടോബി' എന്ന ചിത്രത്തിന്‍റെ ട്രെയിലർ പുറത്തുവന്നു. കന്നഡ സിനിമ ലോകത്ത് നിന്നുള്ള മറ്റൊരു ദൃശ്യ വിരുന്നാകും 'ടോബി' എന്ന് ഉറപ്പുതരുന്നതാണ് ട്രെയിലർ.

മലയാളിയായ നവാഗത സംവിധായകന്‍ ബാസില്‍ അല്‍ചാലക്കല്‍ ആണ് ചിത്രം സംവിധാനം ചെയ്യുന്നത്. നായകനായ രാജ് ബി ഷെട്ടി തന്നെയാണ് ചിത്രത്തിനായി തിരക്കഥ രചിച്ചതും. 'ഗരുഡ ഗമന ഋഷഭ വാഹന' ഒരുക്കിയ ലൈറ്റര്‍ ബുദ്ധ ഫിലിംസാണ് അഗസ്‌ത്യ ഫിലിംസ്, കോഫി ഗാംഗ് സ്റ്റുഡിയോ, സ്‌മൂത്ത് സെയിലേഴ്‌സ് എന്നീ ബാനറുകൾക്കൊപ്പം ചിത്രം നിർമിക്കുന്നത്.