Nayanthara Vignesh wedding surprises: ലേഡീ സൂപ്പര്‍ സ്‌റ്റാര്‍ നയന്‍താരയുടെയും സംവിധായകന്‍ വിഘ്‌നേഷ്‌ ശിവന്‍റെയും വിവാഹ ചിത്രങ്ങള്‍ സോഷ്യല്‍ മീഡിയയില്‍ വൈറലായിരുന്നു. നയന്‍ - വിക്കി വിവാഹം ആഘോഷമാക്കി മാറ്റിയിരിക്കുകയാണ്‌ സിനിമ ലോകവും ആരാധകരും. ജീവിതത്തിലെ ഈ മനോഹര നിമിഷത്തില്‍ വിഘ്‌നേഷിനും കുടുംബാംഗങ്ങള്‍ക്കുമായി ചില സര്‍പ്രൈസുകളും ഒരുക്കിയിരുന്നു നയന്‍താര.
Nayanthara wedding gift to Vignesh: നയന്‍ തന്‍റെ പ്രിയതമന് സമ്മാനിച്ച വിവാഹ സമ്മാനമാണ് ഇപ്പോള്‍ സോഷ്യല്‍ മീഡിയയിലടക്കം ചര്‍ച്ചയാകുന്നത്‌. വിഘ്‌നേഷിന് നയന്‍താര 20 കോടി രൂപ വിലമതിക്കുന്ന ബംഗ്ലാവ് നല്‍കിയതായാണ് റിപ്പോര്‍ട്ടുകള്‍. ഈ ബംഗ്ലാവിന്‍റെ ഡോക്യുമെന്‍റേഷന്‍ ജോലികള്‍ പൂര്‍ത്തിയായതായും റിപ്പോര്‍ട്ടുണ്ട്‌. വിഘ്‌നേഷ്‌ ശിവന്‍റെ പേരില്‍ തന്നെ ബംഗ്ലാവ് രജിസ്‌റ്റര്‍ ചെയ്‌തതായും സൂചനയുണ്ട്‌.
Vignesh Shivan wedding gift to Nayanthara: വിഘ്‌നേഷിന്‍റെ സഹോദരി ഐശ്വര്യയ്‌ക്ക് നയന്‍ 30 പവന്‍ സ്വര്‍ണാഭരണങ്ങളും സമ്മാനിച്ചിട്ടുണ്ട്‌. അടുത്ത ബന്ധുക്കള്‍ക്കും താരം വിലയേറിയ നിരവധി ആഡംബര വസ്‌തുക്കള്‍ സമ്മാനിച്ചതായാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്‌. അതേസമയം നയന്‍താരയ്‌ക്ക് അഞ്ച്‌ കോടി രൂപ വിലവരുന്ന ഡയമണ്ട്‌ മോതിരം വിഘ്‌നേഷ്‌ ശിവന്‍ സമ്മാനിച്ചതായാണ് വിവരം. നയന്‍താരയ്‌ക്ക് വിവാഹ ദിനത്തില്‍ 2.5 കോടി രൂപ മുതല്‍ 3 കോടി രൂപ വരെ വിലമതിക്കുന്ന ആഭരണങ്ങള്‍ വിഘ്‌നേഷ്‌ ശിവന്‍ വാങ്ങിയെന്നും റിപ്പോര്‍ട്ടുകളുണ്ട്‌.
Nayanthara Vignesh booked a resort for wedding: 129 മുറികളുള്ള ഒരു മുഴുവന്‍ റിസോര്‍ട്ടാണ് താരദമ്പതികള്‍ വിവാഹത്തിനായി ബുക്ക് ചെയ്‌തതെന്നും വിവരമുണ്ട്. ഈ വാരാന്ത്യം വരെ റിസോര്‍ട്ട് പൂര്‍ണമായും ബുക്ക് ചെയ്‌തിട്ടുണ്ടെന്നാണ് വിവരം. മഹാബലിപുരത്താണ് റിസോര്‍ട്ട് സ്ഥിതി ചെയ്യുന്നത്‌.
Nayanthara Vignesh wedding: അടുത്തിടെ തെന്നിന്ത്യന്‍ സിനിമ ലോകം കണ്ട ഏറ്റവും താരനിബിഡമായ ചടങ്ങായിരുന്നു നയന്‍താര-വിഘ്‌നേഷ്‌ ശിവന്‍ വിവാഹം. തമിഴ്‌നാട്ടിലെ ചരിത്ര പ്രസിദ്ധമായ മഹാബലിപുരത്തെ റിസോര്‍ട്ടില്‍ വച്ചായിരുന്നു ചടങ്ങുകള്‍ നടന്നത്. തിരുപ്പതി ക്ഷേത്രത്തില്‍ വച്ച് നടത്താന്‍ നിശ്ചയിച്ചിരുന്ന വിവാഹം പ്രായോഗിക കാരണങ്ങളാലും അതിഥികളുടെ സൗകര്യാര്‍ഥവും മഹാബലിപുരത്തേയ്‌ക്ക് മാറ്റുകയായിരുന്നു. രജനീകാന്ത്‌, ഷാരൂഖ്‌ ഖാന്‍, ബോണി കപൂര്‍, മണിരത്‌നം, സൂര്യ, ആര്യ, അറ്റ്‌ലി തുടങ്ങി പ്രമുഖ താരങ്ങള്‍ ചടങ്ങില്‍ അണിനിരന്നു.
