കുഞ്ഞുങ്ങള്‍ക്കൊപ്പമുള്ള ആദ്യ ക്രിസ്‌മസ് ആഘോഷിച്ച് നയന്‍താരയും വിഘ്നേഷ് ശിവനും. താരദമ്പതികള്‍ക്ക് ഇരട്ടക്കുഞ്ഞുങ്ങള്‍ പിറന്ന ശേഷമുള്ള ആദ്യത്തെ ക്രിസ്‌മസ് ആയിരുന്നു ഇത്തവണത്തേത്. ഇതിന്‍റെ ചിത്രങ്ങള്‍ വിഘ്നേഷ് ഇന്‍സ്‌റ്റഗ്രാമില്‍ പങ്കുവച്ചിട്ടുണ്ട്.
ഇരട്ടക്കുഞ്ഞുങ്ങളെ ഉയിരും ഉലകവും എന്ന് വിശേഷിപ്പിച്ച് കൊണ്ടാണ് നയന്‍താരയ്‌ക്കും കുഞ്ഞുങ്ങള്‍ക്കും ഒപ്പമുള്ള ചിത്രം വിഘ്നേഷ് ശിവന്‍ ഇന്‍സ്‌റ്റയില്‍ പോസ്‌റ്റ്‌ ചെയ്‌തിരിക്കുന്നത്. നയന്‍താര ഒരു കുഞ്ഞിനെ നെഞ്ചോട് ചേര്‍ത്തു പിടിച്ചപ്പോള്‍ വിഘ്നേഷ് രണ്ടാമത്തെ കുഞ്ഞിനെ കയ്യില്‍ എടുത്തിരിക്കുന്നതുമാണ് ചിത്രത്തില്‍ കാണാനാവുക. ഒപ്പം ഒരു കുറിപ്പും വിഘ്നേഷ് പങ്കുവച്ചിട്ടുണ്ട്.
'ഉയിര്‍, ഉലകം, നയന്‍, വിക്കി പിന്നെ കുടുംബം, നിങ്ങള്‍ക്ക് ക്രിസ്‌മസ് ആശംസകളും പുതുവത്സരാശംസകളും നേരുന്നു. സമൃദ്ധമായ സ്‌നേഹം! നിങ്ങള്‍ എപ്പോഴും സ്വപ്‌നം കണ്ട ഒരു ജീവിതം നയിക്കാന്‍ എല്ലാവര്‍ക്കും എല്ലാ സന്തോഷവും അനുഗ്രഹങ്ങളും ഉണ്ടാകട്ടെയെന്ന് ദൈവത്തോട് പ്രാര്‍ഥിക്കുന്നു! ദൈവം അനുഗ്രഹിക്കട്ടെ' -വിഘ്നേഷ് ശിവന്‍ കുറിച്ചു.
- " class="align-text-top noRightClick twitterSection" data="
">
താനൊരു അച്ഛനായി എന്നത് ഇപ്പോഴും തനിക്ക് ഉള്‍ക്കൊള്ളാനായിട്ടില്ലെന്ന് അടുത്തിടെ വിഘ്നേഷ് ശിവന്‍ പറഞ്ഞിരുന്നു. ഞാന്‍ ഇപ്പോള്‍ ഒരു അച്ഛനാണ് എന്നത് ഇപ്പോഴും എന്നെ സംബന്ധിച്ചിടത്തോളം പൂര്‍ണമായും ഉള്‍ക്കൊള്ളാനായിട്ടില്ല. ഞാന്‍ അവരോടൊപ്പം നല്ല സന്തോഷം അനുഭവിച്ചിരുന്നു. ഇപ്പോള്‍ അവരോടൊപ്പം കഴിയുന്നത്ര സമയം ചെലവഴിക്കുന്നു.
എനിക്ക് അനുഭവിക്കാന്‍ കഴിയുന്നത് ദൈവത്തില്‍ നിന്നുള്ള അപാരമായ അനുഗ്രഹങ്ങള്‍ ആണ്. അതുകൊണ്ടാണ് ഞാന്‍ ഒരുപാട് പ്രാര്‍ഥിക്കുന്നത്. എന്‍റെ ജീവിതത്തില്‍ എനിക്കുള്ളതും എന്‍റെ ജീവിതത്തില്‍ സംഭവിക്കുന്നതുമായ എല്ലാത്തിനും ഞാന്‍ ശരിക്കും അനുഗ്രഹീതനായി തോന്നുന്നു- വിഘ്നേഷ് പറഞ്ഞു.
ജൂണിലായിരുന്നു നയന്‍താരയുടെയും വിഘ്‌നേഷിന്‍റെയും വിവാഹം. ഒക്‌ടോബറിലാണ് ഇരുവര്‍ക്കും ഇരട്ടക്കുഞ്ഞുങ്ങള്‍ പിറന്നത്.
