Nayanthara Vignesh in Kerala: വിവാഹ ശേഷം നയന്‍താരയും വിഘ്‌നേഷ്‌ ശിവനും കഴിഞ്ഞ ദിവസമാണ് കേരളത്തിലെത്തിയത്‌. ഇരുവരും കൊച്ചിയിലെത്തിയ വാര്‍ത്ത മാധ്യമങ്ങള്‍ ഉള്‍പ്പടെ സോഷ്യല്‍ മീഡിയ ആഘോഷമാക്കി മാറ്റിയിരുന്നു.
Nayanthara Vignesh at favorite restaurant: താര ദമ്പതികളുടെ കൊച്ചിയിലെ രുചി കൂട്ടിലേയ്‌ക്കുള്ള യാത്ര വിശേഷങ്ങളാണിപ്പോള്‍ സോഷ്യല്‍ മീഡിയയില്‍ തരംഗമാകുന്നത്‌. കഴിഞ്ഞ ദിവസം രാത്രി പത്തരയോടെ മലബാര്‍ രുചി തേടി കൊച്ചിയിലെ പനമ്പിള്ളി നഗറിലുള്ള മന്ന റെസ്‌റ്റോറന്‍റിലാണ് ഇരുവരും എത്തിയത്‌. താരപ്പൊലിമകളൊന്നും ഇല്ലാതെ വളരെ സാധാരണക്കാരായാണ്‌ നയന്‍താരയും വിഘ്‌നേഷും റെസ്‌റ്റോറന്‍റിലെത്തിയത്‌. ഇവര്‍ക്കൊപ്പം നയന്‍താരയുടെ അമ്മയും ഉണ്ടായിരുന്നു.
Nayanthara Vignesh at Manna restaurant: നയന്‍താരയുടെ മാതാപിതാക്കള്‍ താമസിക്കുന്ന തേവരയിലെ ഫ്ലാറ്റിലേയ്‌ക്ക് മന്നയില്‍ നിന്നും കഴിഞ്ഞ ദിവസം ഉച്ചയ്‌ക്ക് ഭക്ഷണം ഓര്‍ഡര്‍ ചെയ്‌തിരുന്നു. അത് കഴിച്ച് രുചി ഇഷ്‌ടപ്പെട്ടതിനെ തുടര്‍ന്നാണ് താര ജോഡികള്‍ അമ്മയ്‌ക്കൊപ്പം രാത്രി ആളൊഴിഞ്ഞ സമയത്ത് മന്നയിലെത്തിയത്‌. മന്നയിലെ സ്‌പെഷ്യല്‍ ചിക്കന്‍ കൊണ്ടാട്ടം, മലബാര്‍ വിഭവങ്ങളായ നെയ്‌പ്പത്തിരി, മടക്ക് ചപ്പാത്തി, കല്ലുമ്മക്കായ്‌ നിറച്ചത്‌, മുളകിട്ട നെയ്‌മീന്‍ എന്നിവയെല്ലാം ആസ്വദിച്ച് കഴിച്ച് ഏകദേശം ഒന്നര മണിക്കൂറിലേറെ റെസ്‌റ്റോറന്‍റില്‍ സമയം ചെലവഴിച്ച ശേഷമാണ് ഇരുവരും മടങ്ങിയത്‌.
Manna restaurant shares Nayanthara Vignesh pic: തങ്ങളുടെ ഇഷ്‌ട താരങ്ങളുടെ വരവിന്‍റെ സന്തോഷം റെസ്‌റ്റോറന്‍റ്‌ ഉടമകള്‍ സോഷ്യല്‍ മീഡിയയിലൂടെ പങ്കുവച്ചു. അപ്രതീക്ഷിതമായെത്തിയ താരദമ്പതികള്‍ റെസ്‌റ്റോറന്‍റ്‌ ജീവനക്കാര്‍ക്കൊപ്പം കേക്ക് മുറിച്ച് ആഘോഷിക്കുകയും ചെയ്‌തു. ഹോട്ടല്‍ ജീവനക്കാര്‍ക്കൊപ്പം നയന്‍താരയും വിഘ്‌നേഷും ഫോട്ടോയ്‌ക്ക് പോസ്‌ ചെയ്യുകയും ചെയ്‌തു.
Nayanthara Vignesh Shivan wedding: ജൂണ്‍ 9ന് തമിഴ്‌നാട്ടിലെ മഹാബലിപുരത്ത്‌ വച്ചായിരുന്നു വിവാഹം. വിവാഹ ചടങ്ങില്‍ നയന്‍താരയുടെ മാതാപിതാക്കള്‍ക്ക് പങ്കെടുക്കാന്‍ കഴിഞ്ഞിരുന്നില്ല. ഇതേതുടര്‍ന്ന്‌ മാതാപിതാക്കളുടെ അനുഗ്രഹം തേടിയാണ് നയന്‍താരയും വിഘ്‌നേഷും കഴിഞ്ഞ ദിവസം ഉച്ചയോടെ കേരളത്തിലെത്തിയത്‌. ഏതാനും ദിവസങ്ങള്‍ മാതാപിതാക്കള്‍ക്കൊപ്പം കൊച്ചിയില്‍ തങ്ങിയ ശേഷമാകും ഇരുവരും ചെന്നൈയിലേയ്‌ക്ക് മടങ്ങുക.
Also Read: അമ്മ ഇല്ലാതെ വിവാഹം; നയന്‍താരയും വിഘ്‌നേഷ്‌ ശിവനും കേരളത്തില്‍
