പ്രമുഖ താരം തലൈവാസൽ വിജയ് കേന്ദ്രകഥാപാത്രത്തില്‍ എത്തുന്ന 'മൈ 3' എന്ന സിനിമയുടെ ട്രെയിലര്‍ പുറത്തിറങ്ങി (My 3 Trailer Released). ഒരു കൊലപാതകവും തുടര്‍ന്നുണ്ടാകുന്ന സംഭവ വികാസങ്ങളുമാണ് 2.26 മിനിറ്റ് ദൈര്‍ഘ്യമുള്ള ട്രെയിലറില്‍ ദൃശ്യമാകുക. സ്‌റ്റാര്‍ 8 മൂവീസിന്‍റെ ബാനറിൽ രാജന്‍ കുടവന്‍ ആണ് സിനിമയുടെ സംവിധാനം. നവംബര്‍ 17നാണ് ചിത്രം തിയേറ്ററുകളില്‍ എത്തുക (My 3 Release).
നാല് ആൺകുട്ടികളും മൂന്ന്‌ പെൺകുട്ടികളും തമ്മിലുള്ള ആത്മാർഥ സൗഹൃദത്തിന്‍റെ കഥയാണ് ചിത്ര പശ്ചാത്തലം. ഷോബി തിലകൻ, രാജേഷ് ഹെബ്ബാർ, സുബ്രഹ്മണ്യൻ, ജിത്തു, അനാജ്, അബ്‌സർ അബു, സബിത ആനന്ദ്, അജയ്, മട്ടന്നൂർ ശിവദാസൻ, ഗംഗാധരൻ പയ്യന്നൂർ, രേവതി, കലാഭവൻ നന്ദന, അനുശ്രീ പോത്തൻ, നിധിഷ തുടങ്ങിയവരാണ് ചിത്രത്തില്‍ അണിനിരക്കുന്നത്.
- " class="align-text-top noRightClick twitterSection" data="">
Also Read: MY 3 First Look Poster : മൈ 3 ഫസ്‌റ്റ് ലുക്ക് പോസ്‌റ്റര്‍ പുറത്ത്
രാജേഷ് രാജു ആണ് 'മൈ 3'യുടെ ഛായാഗ്രഹണം നിര്‍വഹിച്ചിരിക്കുന്നത്. സതീഷ് ബി കോട്ടായി എഡിറ്റിങ്ങും നിര്‍വഹിച്ചു. രാജൻ കടക്കാടിന്‍റെ ഗാനരചനയില്‍ സിബി കുരുവിളയാണ് ചിത്രത്തിന് വേണ്ടി സംഗീതം ഒരുക്കിയിരിക്കുന്നത്. ഗിരീഷ് കണ്ണാടിപറമ്പാണ് തിരക്കഥയും സംഭാഷണവും ഒരുക്കിയിരിക്കുന്നത്. തന്ത്ര മീഡിയ ആണ് ചിത്രം തിയേറ്ററുകളില്‍ എത്തിക്കുന്നത്.
പ്രൊഡക്ഷൻ കൺട്രോളർ - ഷജിത്ത് തിക്കോട്ടി, സഹ സംവിധാനം - സമജ് പദ്‌മനാഭൻ, വിതരണം - തന്ത്ര മീഡിയ റിലീസ്, ഡിജിറ്റൽ മാർക്കറ്റിങ് - അമൽ കാനത്തൂർ, പിആർഒ - എ എസ് ദിനേശ് എന്നിവരാണ് ചിത്രത്തിലെ മറ്റ് അണിയറപ്രവര്‍ത്തകര്‍.
Also Read: Thalaivasal Vijay My 3 Movie : സൗഹൃദത്തിന്‍റെ കഥയുമായി മൈ 3; തലൈവാസല്‍ വിജയ് പ്രധാന വേഷത്തില്‍, ചിത്രം നവംബറില്‍ തിയേറ്ററുകളില്‍
മുൻനിര താരപരിവേഷങ്ങൾ ഇല്ലാത്ത നിരവധി ചിത്രങ്ങളാണ് അടുത്തിടെയായി മലയാള സിനിമയില്‍ റിലീസിനെത്തുന്നത്. ഇതിലൂടെ നിരവധി പുതുമുഖങ്ങള്‍ മലയാള സിനിമയിലേയ്ക്ക് കടന്നുവരുന്നുമുണ്ട്. വിഷ്‌ണു ഉണ്ണികൃഷ്‌ണൻ, ഷൈൻ ടോം ചാക്കോ, ശ്രീനാഥ് ഭാസി എന്നിവരെ കേന്ദ്ര കഥാപാത്രങ്ങളായി സോഹൻ സീനുലാൽ സംവിധാനം ചെയ്യുന്ന പുതിയ ചിത്രമാണ് 'ഡാൻസ് പാർട്ടി'.
ചിത്രത്തിലെ പുതിയ ഗാനം 'ദമാ ദമാ' കഴിഞ്ഞ ദിവസം പുറത്തിറങ്ങിയിരുന്നു. ഷൈൻ ടോം ചാക്കോയും പ്രയാഗ മാർട്ടിനുമാണ് ഗാന രംഗത്തിൽ പ്രത്യക്ഷപ്പെടുന്നത്. ഇരുവരുടെയും തകർപ്പൻ നൃത്തച്ചുവടുകളാണ് ഗാനത്തിന്‍റെ ഹൈലൈറ്റ്. രാഹുൽ രാജ് ആണ് ഗാനത്തിന് സംഗീതം ഒരുക്കിയിരിക്കുന്നത്.
ഓൾഗ പ്രൊഡക്ഷൻസിന്‍റെ ബാനറിൽ നൈസി റെജി, റെജി പ്രോത്താസിസ് എന്നിവര്‍ ചേര്‍ന്നാണ് സിനിമയുടെ നിര്‍മാണം. നിഖിൽ എസ് മറ്റത്തിൽ, സന്തോഷ് വർമ്മ, റാപ്പർ ഫെജോ എന്നിവര്‍ ചേര്‍ന്നാണ് ചിത്രത്തിലെ ഗാനങ്ങൾക്ക് സംഗീതം ഒരുക്കിയിരിക്കുന്നത്.
Also Read: 'ഡാൻസ് പാർട്ടി'യിലെ ആദ്യ ഗാനം പുറത്ത്; തകർപ്പൻ ചുവടുകളുമായി ഷൈൻ ടോമും പ്രയാഗയും
