Lucifer 2 announcement: ലൂസിഫര്‍ 2 എമ്പുരാനായി നാളേറെയായുള്ള കാത്തിരിപ്പിലാണ് ആരാധകര്‍. മോഹന്‍ലാല്‍-പൃഥ്വിരാജ് ചിത്രത്തിന്‍റെ ഓരോ പുതിയ വിശേഷങ്ങളും ആരാധകര്‍ ഏറ്റെടുക്കാറുണ്ട്. ഇപ്പോഴിതാ സിനിമയുമായി ബന്ധപ്പെട്ടുള്ള സുപ്രധാന പ്രഖ്യാപനം ഇന്ന്(17.08.2022) ഉണ്ടാകുമെന്ന് അറിയിച്ചിരിക്കുകയാണ് 'ലൂസിഫര്‍' താരങ്ങളും നിര്‍മാതാവ് ആന്‍റണി പെരുമ്പാവൂരും.
L2E announcement: മോഹന്‍ലാല്‍, പൃഥ്വിരാജ്, മുരളി ഗോപി എന്നിവര്‍ക്കൊപ്പമുള്ള ചിത്രവും ആന്‍റണി പെരുമ്പാവൂര്‍ ഫേസ്‌ബുക്കില്‍ പങ്കുവച്ചിട്ടുണ്ട്. ഒപ്പം യൂട്യൂബ്‌ പ്രീമിയര്‍ ലിങ്കും പുറത്തുവിട്ടു. വൈകിട്ട് നാല് മണിയോടെ സിനിമയെ കുറിച്ചുള്ള വീഡിയോ ആശിര്‍വാദ്‌ സിനിമാസിന്‍റെ യൂട്യൂബ്‌ ചാനലിലൂടെ പുറത്തുവിടും.
- " class="align-text-top noRightClick twitterSection" data="">
പൃഥ്വിരാജും ചിത്രം സോഷ്യല്‍ മീഡിയയില്‍ പങ്കുവച്ചിട്ടുണ്ട്. 'എല്‍2ഇ' എന്ന ഹാഷ്‌ടാഗോട് കൂടിയാണ് പൃഥ്വി പോസ്റ്റ് ചെയ്‌തത്. 'ടീം എല്‍2ഇ. ഇഗ്‌നിഷന്‍ മോഡ്' എന്ന അടിക്കുറിപ്പോട് കൂടിയായിരുന്നു മുരളി ഗോപിയുടെ പോസ്റ്റ്.
'എമ്പുരാന്‍റെ' തിരക്കഥ പൂര്‍ത്തിയായ വിവരം പൃഥ്വിരാജ് നേരത്തെ അറിയിച്ചിരുന്നു. അടുത്ത വര്‍ഷം സിനിമയുടെ ചിത്രീകരണം ആരംഭിക്കും. 'ലൂസിഫറിന്' മൂന്ന് ഭാഗങ്ങള്‍ ഉണ്ടായിരിക്കുമെന്ന് നേരത്തെ തന്നെ അണിയറപ്രവര്‍ത്തകര്‍ പ്രഖ്യാപിച്ചിരുന്നു. യൂണിവേഴ്‌സല്‍ ആയൊരു വിഷയത്തെ കുറിച്ചായിരിക്കും 'എമ്പുരാന്‍' സംസാരിക്കുക എന്ന്‌ തിരക്കഥാകൃത്ത് മുരളി ഗോപി മുമ്പൊരിക്കല്‍ പറഞ്ഞു.
Lucifer collection: മലയാളത്തില്‍ ആദ്യമായി 200 കോടി ക്ലബിലെത്തിയ ചിത്രമാണ് 'ലൂസിഫര്‍'. 2019ലെ വലിയ പണം വാരി ചിത്രങ്ങളില്‍ ഒന്ന് കൂടിയായിരുന്നു സിനിമ. സ്‌റ്റീഫന്‍ നെടുമ്പള്ളി എന്ന കഥാപാത്രമായാണ് മോഹന്‍ലാല്‍ 'ലൂസിഫറി'ല്‍ പ്രത്യക്ഷപ്പെട്ടത്. മഞ്‌ജു വാര്യര്‍, പൃഥ്വിരാജ്, ടൊവിനോ തോമസ്‌, ഇന്ദ്രജിത്ത് തുടങ്ങിയവരും ചിത്രത്തില്‍ സുപ്രധാന വേഷങ്ങളില്‍ അഭിനയിച്ചു.
