മോഹന്‍ലാല്‍ - ജീത്തു ജോസഫ് ചിത്രം'നേര്' (Neru) നാളെ (ഡിസംബര്‍ 21) തിയേറ്ററുകളിലെത്തുകയാണ് (Neru Release). ഇതിന് മുന്നോടിയായി ചിത്രത്തിലെ ആദ്യ ഗാനം പുറത്തുവിട്ടിരിക്കുകയാണ് അണിയറപ്രവര്‍ത്തകര്‍ (Neru Lyrical video). ചിത്രത്തിലെ 'റൂഹേ തളരാതേ... താനേ ഉലയാതേ' എന്ന ഗാനത്തിന്‍റെ ലിറിക്കല്‍ വീഡിയോ ആണ് അണിയറപ്രവര്‍ത്തകര്‍ പുറത്തുവിട്ടത്.
വിനായക് ശശികുമാറിന്‍റെ രചനയില്‍ വിഷ്‌ണു ശ്യാമിന്‍റെ സംഗീതത്തില്‍ കാര്‍ത്തിക് ആണ് ഈ മനോഹര ഗാനം ആലപിച്ചിരിക്കുന്നത്. പ്രേക്ഷഹൃദയങ്ങളെ തൊട്ടുണര്‍ത്തുന്ന ഈ ഗാനം സോഷ്യല്‍ മീഡിയയുടെ ശ്രദ്ധ ആകര്‍ഷിച്ചിരിക്കുകയാണ്. മോഹന്‍ലാല്‍ തന്‍റെ ഫേസ്‌ബുക്ക് പേജിലൂടെയാണ് ഗാനം പങ്കുവച്ചിരിക്കുന്നത്.
- " class="align-text-top noRightClick twitterSection" data="">
കോടതിമുറിയും നിയമ യുദ്ധവും കോർത്തിണക്കിയ കോർട്ട് റൂം ഡ്രാമയാണ് ജീത്തു ജോസഫ് സംവിധാനം ചെയ്‌ത 'നേര്'. കേസും വാദവും കോടതി മുറിയും പരിസരവും ചിത്രപശ്ചാത്തലമായ സിനിമയില്‍ വിജയ മോഹന്‍ എന്ന വക്കീല്‍ ഉദ്യോഗസ്ഥനായാണ് മോഹന്‍ലാല്‍ എത്തുന്നത്. കോടതി മുറിയ്‌ക്കുള്ളിലാണ് സിനിമയുടെ കൂടുതല്‍ ഭാഗങ്ങളും ചിത്രീകരിച്ചിരിക്കുന്നത്.
നേരിന്‍റെ ട്രെയിലര്‍ സോഷ്യല്‍ മീഡിയയില്‍ വൈറലായിരുന്നു (Neru Trailer). 'നേരി'ന്‍റേതായി പുറത്തിറങ്ങിയ പോസ്‌റ്ററുകളും ശ്രദ്ധ ആകര്‍ഷിച്ചിരുന്നു (Neru Official Poster). സിനിമയിലൂടെ കോടതി നടപടികൾ തികച്ചും റിയലിസ്‌റ്റിക്കായാണ് അവതരിപ്പിക്കുന്നതെന്ന് ജീത്തു ജോസഫ് പറഞ്ഞിരുന്നു. 'ദൃശ്യം 2'വിന്‍റെ വിജയത്തിന് ശേഷം മോഹന്‍ലാല്‍ - ജീത്തു ജോസഫ് കൂട്ടുകെട്ടില്‍ ഒരുങ്ങുന്ന ചിത്രം കൂടിയാണിത് (Mohanlal Jeethu Joseph movie). ഒരിക്കല്‍ കൂടി ഈ കൂട്ടുകെട്ട് ഒന്നിക്കുമ്പോള്‍ പ്രേക്ഷകര്‍ ഏറെ പ്രതീക്ഷയിലാണ്.
പ്രിയാമണി, അനശ്വര രാജൻ, ജഗദീഷ്, ഗണേഷ് കുമാർ, നന്ദു, മാത്യു വർഗീസ്, കലേഷ്, ശ്രീധന്യ, ശാന്തി മായാദേവി, ദിനേശ് പ്രഭാകർ, ശങ്കർ ഇന്ദുചൂഡൻ, രമാദേവി, രശ്‌മി അനിൽ, ഡോ.പ്രശാന്ത് തുടങ്ങിയവരും ചിത്രത്തിൽ അണിനിരക്കും.
ജീത്തു ജോസഫും ശാന്തി മായാദേവിയും ചേർന്നാണ് സിനിമയുടെ കഥയും തിരക്കഥയും സംഭാഷണവും രചിച്ചിരിക്കുന്നത്. ആശിർവാദ് സിനിമാസിൻ്റെ ബാനറിൽ ആന്‍റണി പെരുമ്പാവൂർ ആണ് നിര്‍മാണം. ആശിർവാദ് സിനിമാസിൻ്റെ 33-ാമത്തെ ചിത്രം കൂടിയാണ് 'നേര്'. അതേസമയം മോഹൻലാലിനൊപ്പമുള്ള ജീത്തു ജോസഫിന്‍റെ നാലാമത്തെ ചിത്രവും, ആശിർവാദ് സിനിമാസിനൊപ്പമുള്ള അഞ്ചാമത്തെ ചിത്രവുമാണ്.
വിനായക് ശശികുമാറിൻ്റെ ഗാനരചനയില്‍ വിഷ്‌ണു ശ്യാം ആണ് ചിത്രത്തിലെ ഗാനങ്ങള്‍ക്ക് സംഗീതം ഒരുക്കിയിരിക്കുന്നത്. സതീഷ് കുറുപ്പ് ഛായാഗ്രഹണവും വി എസ് വിനായക് എഡിറ്റിങ്ങും നിർവഹിച്ചിരിക്കുന്നു.
Also Read: ഇത് ധീരതയുടെ കഥ; കോടതി മുറിയില്‍ ഏറ്റുമുട്ടി മോഹന്‍ലാലും സിദ്ദിഖും, നേര് ട്രെയിലര്‍ പുറത്ത്
ചീഫ് അസോസിയേറ്റ് ഡയറക്‌ടർ - സുധീഷ് രാമചന്ദ്രൻ, അസോസിയേറ്റ് ഡയറക്‌ടേഴ്‌സ് - സോണി ജി സോളമൻ, എസ് എ ഭാസ്‌കരന്‍, അമരേഷ് കുമാർ, കലാസംവിധാനം - ബോബൻ, കോസ്റ്റ്യൂം ഡിസൈൻ - ലിൻ്റോ ജീത്തു, മേക്കപ്പ് - അമൽ ചന്ദ്ര, ഫിനാൻസ് കൺട്രോളർ - മനോഹരൻ കെ പയ്യന്നൂർ, പ്രൊഡക്ഷൻ കൺട്രോളർ - സിദ്ദു പനയ്ക്കൽ, പ്രൊഡക്ഷൻ മാനേജേഴ്‌സ്‌ - പാപ്പച്ചൻ ധനുവച്ചപുരം, ശശിധരൻ കണ്ടാണിശ്ശേരിൽ, സ്‌റ്റില്‍സ് - ബന്നറ്റ് എം വർഗീസ്.
