ഹൈദരാബാദ്: ഇന്ത്യന്‍ ക്രിക്കറ്റ് താരം കെ എല്‍ രാഹുലും ബോളിവുഡ് സൂപ്പര്‍ താരം സുനില്‍ ഷെട്ടിയുടെ മകള്‍ ആതിയ ഷെട്ടിയും ഈ മാസം അവസാനം വിവാഹിതരാകുന്നു. ജനുവരി 21 മുതല്‍ 23 വരെ മൂന്ന് ദിവസം നീണ്ട് നില്‍ക്കുന്ന വിവാഹ ആഘോഷമാണ് നടക്കുക. 2023ല്‍ ബോളിവുഡ് കുടുംബത്തിലെ ആദ്യ വിവാഹം നടക്കുന്നത് മഹാരാഷ്‌ട്രയിലെ സുനില്‍ ഷെട്ടിയുടെ ഖന്തേല ബംഗ്ലാവിലാണ്.
- " class="align-text-top noRightClick twitterSection" data="
">
ഇരുവരുടെയും അടുത്ത ബന്ധുക്കളും സുഹൃത്തുക്കളുമാണ് വിവാഹത്തില്‍ പങ്കെടുക്കുക. എന്നാല്‍, വിവാഹത്തിന് പങ്കെടുക്കുന്നവര്‍ക്ക് ക്ഷണം ലഭിച്ചോ എന്ന കാര്യത്തില്‍ ഇതുവരെയും വ്യക്തത വന്നിട്ടില്ല. എന്നിരുന്നാലും, ക്രിക്കറ്റ് താരങ്ങളായ എംഎസ് ധോണി, വിരാട് കോലി, ബോളിവുഡ് താരങ്ങളായ ജാക്കി ഷ്രോഫ്, അക്ഷയ്‌ കുമാര്‍, സല്‍മാന്‍ ഖാന്‍ എന്നിവര്‍ ചടങ്ങില്‍ പങ്കെടുക്കാന്‍ എത്തുമെന്നാണ് സൂചന.
- " class="align-text-top noRightClick twitterSection" data="
">
കഴിഞ്ഞ ജൂലൈ മാസത്തിലാണ് ഇരുവരുടെയും വിവാഹത്തെക്കുറിച്ചുള്ള അഭ്യൂഹങ്ങള്‍ സമൂഹ മാധ്യങ്ങളില്‍ പ്രചരിച്ചത്. ഇത്തരം വാര്‍ത്തകളോട് ആതിയ തന്‍റെ പ്രതികരണമറിയിച്ചിരുന്നു. 'മൂന്ന് മാസത്തിനകം നടക്കുന്ന ഈ വിവാഹത്തില്‍ എന്നെയും ക്ഷണിക്കുമെന്ന് പ്രതീക്ഷിക്കുന്നു' എന്നായിരുന്നു ഇന്‍സ്‌റ്റഗ്രാം സ്‌റ്റോറിയില്‍ താരം പ്രതികരിച്ചത്.
2021 വര്‍ഷത്തിലാണ് ഇരുവരും പ്രണയബന്ധത്തെക്കുറിച്ചുള്ള ഔദ്യോഗികമായ വാര്‍ത്തകള്‍ പുറത്തുവരുന്നത്. ഒരുമിച്ച് പാര്‍ട്ടികളില്‍ പങ്കെടുക്കുന്നതിന്‍റെയും യാത്രകള്‍ പോകുന്നതിന്‍റെയും ചിത്രങ്ങള്‍ ഇരുവരും സമൂഹമാധ്യമങ്ങളില്‍ പങ്കുവെക്കുകയും ചെയ്‌തിരുന്നു. ടീം ഇന്ത്യയുടെ ഏതാനും ടൂറുകളും ആതിയ രാഹുലിനൊപ്പം പങ്കിട്ടിരുന്നു.
ALSO READ:ആതിയ ഷെട്ടിക്കൊപ്പമുള്ള ചിത്രം പങ്കിട്ട രാഹുലിന് മോശം ട്രോളുകൾ
