Thallumaala character poster: ടൊവിനോ തോമസ്‌, കല്യാണി പ്രിയദര്‍ശന്‍ എന്നിവര്‍ കേന്ദ്രകഥാപാത്രങ്ങളായെത്തുന്ന ചിത്രമാണ് 'തല്ലുമാല'. ചിത്രത്തിന്‍റെ പുതിയ ക്യാരട്‌കര്‍ പോസ്‌റ്റര്‍ പുറത്തിറങ്ങി. 'തല്ലുമാല'യിലെ കല്യാണിയുടെ കളര്‍ഫുള്‍ ക്യാരക്‌ടര്‍ പോസ്‌റ്ററാണ് അണിയറപ്രവര്‍ത്തകര്‍ പുറത്തുവിട്ടത്‌. ബീപാത്തു എന്ന കഥാപാത്രത്തെയാണ് ചിത്രത്തില്‍ കല്യാണി അവതരിപ്പിക്കുക.
- " class="align-text-top noRightClick twitterSection" data="
">
Thallumaala first look: നേരത്തെ ടൊവിനോയുടെ ക്യാരക്‌ടര്‍ പോസ്‌റ്ററും പുറത്തിറങ്ങിയിരുന്നു. കട്ട ഫ്രീക്കന്‍ ലുക്കിലാണ് ടൊവിനോ ക്യാരക്‌ടര്‍ പോസ്‌റ്ററില്‍ പ്രത്യക്ഷപ്പെട്ടത്‌. മണവാളന്‍ വസീം എന്ന കഥാപാത്രത്തെയാണ് ചിത്രത്തില്‍ ടൊവിനോ അവതരിപ്പിക്കുക. ഷൈം ടോം ചാക്കോ, ലുക്‌മാന്‍, ചെമ്പന്‍ വിനോദ്‌ ജോസ്‌, ഓസ്‌റ്റിന്‍, ജോണി ആന്‍റണി, അസിം ജമാല്‍ തുടങ്ങിയവരും ചിത്രത്തില്‍ അണിനിരക്കും.
- " class="align-text-top noRightClick twitterSection" data="
">
Thallumaala cast and crew: ഖാലിദ് റഹ്മാനാണ് സംവിധാനം. അനുരാഗ കരിക്കിന്‍വെള്ളം, ഉണ്ട, ലവ്‌ എന്നീ ചിത്രങ്ങള്‍ക്ക്‌ ശേഷം ഖാലിദ് റഹ്മാന്‍ സംവിധാനം ചെയ്യുന്ന ചിത്രമാണ് 'തല്ലുമാല'. ആഷിക്‌ ഉസ്‌മാന്‍ പ്രൊഡക്ഷൻസിന്‍റെ ബാനറില്‍ ആഷിക്‌ ഉസ്‌മാന്‍ ആണ് നിര്‍മാണം. മുഹ്‌സിന്‍ പരാരി, അഷ്‌റഫ്‌ ഹംസ എന്നിവര്‍ ചേര്‍ന്നാണ് ചിത്രത്തിന് വേണ്ടി രചന നിര്‍വഹിക്കുക. ജിംഷി ഖാലിദ് ആണ് ഛായാഗ്രഹണം. വിഷ്‌ണു വിജയ്‌ സംഗീതവും നിര്‍വഹിക്കും.
Tovino Thomas upcoming movies: ടൊവിനോയുടേതായി നിരവധി ചിത്രങ്ങളാണിപ്പോള്‍ അണിയറയില്‍ ഒരുങ്ങുന്നത്‌. കീര്‍ത്തി സുരേഷ്‌ നായികയായെത്തുന്ന 'വാശി' ആണ് പുറത്തിറങ്ങാനിരിക്കുന്ന ടൊവിനോ ചിത്രം. 'നാരദന്‍' ആയിരുന്നു ടൊവിനോയുടേതായി ഏറ്റവും ഒടുവില്‍ പുറത്തിറങ്ങിയ ചിത്രം. പ്രണവ്‌ മോഹന്‍ലാലിനൊപ്പമുള്ള 'ഹൃദയം' ആണ് കല്യാണിയുടേതായി ഏറ്റവും ഒടുവില്‍ തിയേറ്ററുകളിലെത്തിയ ചിത്രം.
Also Read: ഇത്‌ ഫ്രീക്കന്‍ മണവാളന്‍ വസീം ; കളര്‍ഫുള്‍ ആയി ടൊവിനോ
