ജോജു ജോർജിനെ (Joju George) കേന്ദ്ര കഥാപാത്രമാക്കി എ കെ സാജൻ (AK Sajan) സംവിധാനം ചെയ്യുന്ന ഏറ്റവും പുതിയ ചിത്രമാണ് 'പുലിമട'. സിനിമയുടെ ടീസര്‍ (Pulimada Teaser) പുറത്തിറങ്ങി.
ജോജു ജോര്‍ജും ഐശ്വര്യ രാജേഷുമാണ് (Aishwarya Rajesh) ഒന്നര മിനിറ്റ് ദൈര്‍ഘ്യമുള്ള ടീസറില്‍. ആകസ്‌മികമായി രാത്രി ഒരു മുറിയില്‍ ഒന്നിച്ചെത്തിയ ഐശ്വര്യയുടെയും ജോജുവിന്‍റെയും കഥാപാത്രങ്ങള്‍ തമ്മിലുള്ള സംഭാഷണമാണ് ടീസറില്‍. ജോജുവിന്‍റെ കഥാപാത്രത്തോട് 'ഉമ്മച്ചന്‍ സിംഗിള്‍ ആണോ' എന്ന ഐശ്വര്യയുടെ ചോദ്യവും ടീസറില്‍ ശ്രദ്ധ നേടുന്നു.
- " class="align-text-top noRightClick twitterSection" data="">
നേരത്തെ പുലിമടയുടെ ഫസ്റ്റ് ലുക്ക്, സെക്കന്‍ഡ് ലുക്ക് പോസ്‌റ്ററുകള്‍ പുറത്തിറങ്ങിയിരുന്നു. 'പെണ്ണിന്‍റെ ഗന്ധം' (സെന്‍റ് ഓഫ് എ വുമണ്‍) എന്ന ടാഗ്‌ലൈനോടു കൂടിയാണ് രണ്ട് പോസ്‌റ്ററും പുറത്തിറങ്ങിയത്. ജോജുവും ഐശ്വര്യയുമായിരുന്നു ഫസ്റ്റ് ലുക്കില്‍. ക്രിസ്‌ത്യന്‍ വിവാഹ വേഷത്തില്‍ ഐശ്വര്യ രാജേഷിന്‍റെ കൈ പിടിച്ച് നടക്കുന്ന ജോജു ജോര്‍ജിനെയാണ് ഫസ്റ്റ് ലുക്കില്‍ (Pulimada first look poster) കാണാനായത്. ലഗേജ് ബാഗുമായി ജോജുവിന്‍റെ ബൈക്കിന് പിന്നില്‍ ഐശ്വര്യ ഇരിക്കുന്നതായാണ് രണ്ടാമത്തെ പോസ്‌റ്ററില്‍ കാണാനാവുക.
വിന്സന്റ് സ്‌കറിയ എന്ന പൊലീസ് കോണ്‍സ്‌റ്റബിളിന്‍റെ കഥാപാത്രത്തെയാണ് ചിത്രത്തില്‍ ജോജു ജോര്‍ജ് അവതരിപ്പിക്കുന്നത്. വിന്സന്റ് സ്‌കറിയയുടെ വിവാഹവും അതുമായി ബന്ധപ്പെട്ടുള്ള സംഭവ വികാസങ്ങളും പിന്നീട് അയാളുടെ സ്വഭാവത്തിലും ജീവിതത്തിലും ഉണ്ടാകുന്ന മാറ്റങ്ങളുമാണ് ചിത്ര പശ്ചാത്തലം.
Also Read: ലഗേജ് ബാഗുമായി ജോജുവിന്‍റെ ബൈക്കില്‍ ഐശ്വര്യ ; പുലിമടയുടെ പുതിയ പോസ്‌റ്റര്‍ പുറത്ത്
രണ്ട് നായികമാരാണ് ചിത്രത്തിലുള്ളത്. ഐശ്വര്യയെ കൂടാതെ ലിജോ മോളും സിനിമയില്‍ നായികയായി എത്തുന്നുണ്ട്. പാന്‍ ഇന്ത്യന്‍ റിലീസായി എത്തുന്ന ചിത്രത്തില്‍ വന്‍ താരനിരയാണ് അണിനിരക്കുന്നത്. ബാലചന്ദ്ര മേനോന്‍, ചെമ്പന്‍ വിനോദ്, ജാഫര്‍ ഇടുക്കി, അബു സലിം, ജോണി ആന്‍റണി, ജിയോ ബേബി, കൃഷ്‌ണ പ്രഭ, സോന നായര്‍, ഷിബില, പൗളി വല്‍സന്‍ തുടങ്ങിയവരും 'പുലിമട'യില്‍ അണിനിരക്കുന്നു.
'പുലിമട'യ്‌ക്ക് 60 ദിവസത്തെ ചിത്രീകരണമാണ് ഷെഡ്യൂള്‍ ചെയ്‌തിരിക്കുന്നത്. വയനാടാണ് സിനിമയുടെ പ്രധാന ലൊക്കേഷന്‍. ഐന്‍സ്‌റ്റീന്‍ മീഡിയ, ലാന്‍ഡ് സിനിമാസ് എന്നീ ബാനറുകളില്‍ ഐന്‍സ്‌റ്റീന്‍ സാക് പോള്‍, രാജേഷ് ദാമോദരന്‍ എന്നിവര്‍ ചേര്‍ന്നാണ് നിര്‍മാണം. സംവിധായകന്‍ എ കെ സാജൻ തന്നെയാണ് കഥയും, തിരക്കഥയും, സംഭാഷണവും നിർവഹിക്കുക.
റഫീഖ് അഹമ്മദ്, ഡോക്‌ടര്‍ താര ജയശങ്കര്‍, ഫാദര്‍ മൈക്കിള്‍ പനച്ചിക്കല്‍ എന്നിവര്‍ ചേര്‍ന്നാണ് ഗാനരചന. ഇഷാന്‍ ദേവ് സംഗീതവും അനില്‍ ജോണ്‍സണ്‍ പശ്ചാത്തല സംഗീതവും ഒരുക്കും. പ്രശസ്‌ത ഛായാഗ്രാഹകൻ വേണു ഛായാഗ്രഹണവും എ കെ സാജന്‍ എഡിറ്റിങ്ങും നിര്‍വഹിക്കും. 10 വർഷത്തെ ഇടവേളയ്‌ക്ക് ശേഷമാണ് വേണു വീണ്ടും സിനിമയില്‍ തിരികെ എത്തുന്നത്.
അതേസമയം 'ആന്‍റണി' (Antony) ആണ് ജോജു ജോര്‍ജിന്‍റേതായി റിലീസിനൊരുങ്ങുന്ന മറ്റൊരു പുതിയ ചിത്രം. ജോഷി സംവിധാനം ചെയ്‌ത ചിത്രത്തില്‍ കല്യാണി പ്രിയദർശന്‍ (Kalyani Priyadarshan), ആശ ശരത്ത്, ചെമ്പൻ വിനോദ് ജോസ്, നൈല ഉഷ, വിജയരാഘവൻ എന്നിവരും സുപ്രധാന വേഷങ്ങളില്‍ എത്തുന്നു.
Also Read: Pulimada first look poster | ഐശ്വര്യയുടെ കൈ പിടിച്ച് ജോജു 'പുലിമട'യില്‍, ഫസ്റ്റ് ലുക്ക് പുറത്ത്
