ആസിഫ് അലി - ജിസ് ജോയ് കൂട്ടുകെട്ട് വീണ്ടും; ഇത്തവണ കൂട്ടിന് ബിജു മേനോനും, ടൈറ്റിൽ പുറത്ത്

Asif Ali Biju and Menon starrer Thalavan : ജിസ് ജോയിയുടെ സംവിധാനത്തിൽ ആസിഫ് അലിയും ബിജു മേനോനും പ്രധാന വേഷത്തിലെത്തുന്ന 'തലവൻ' വരുന്നു...

ഫീൽ ഗുഡ് സിനിമകൾ എന്ന് കേൾക്കുമ്പോൾ മലയാളികളുടെ മനസിലേക്ക് ഓടിയെത്തുന്ന പേരുകളിലൊന്നാണ് സംവിധായകൻ ജിസ് ജോയ്‌യുടേത്. പുതിയ സിനിമയുമായി ജിസ് ജോയ്‌ പ്രേക്ഷകരിലേക്ക് വീണ്ടും എത്തുകയാണ്. പതിവ് പോലെ ആസിഫ് അലി ചിത്രത്തിൽ മുഖ്യ വേഷത്തിലുണ്ട്. ജിസ് ജോയ്‌ - ആസിഫ് അലി ഹിറ്റ് കോംബോയ്‌ക്ക് കൂട്ടായി ഇക്കുറി മലയാളികളുടെ പ്രിയ താരം ബിജു മേനോനുമുണ്ട് (Jis Joy new movie thalavan starring Asif Ali and Biju Menon).

• " class="align-text-top noRightClick twitterSection" data="">

ഇപ്പോഴിതാ സിനിമാസ്വാദകർ ഏറെ പ്രതീക്ഷയോടെ കാത്തിരിക്കുന്ന ഈ ചിത്രത്തിന്‍റെ ടൈറ്റിൽ അണിയറ പ്രവർത്തകർ പുറത്ത് വിട്ടിരിക്കുകയാണ്. തലവൻ എന്നാണ് ചിത്രത്തിന് പേര് നൽകിയിരിക്കുന്നത്. ടൈറ്റിൽ അനൗൺസ്‌മെന്‍റ് വീഡിയോ മികച്ച പ്രതികരണം നേടുകയാണ്.

അരുൺ നാരായൺ പ്രൊഡക്ഷൻസ്, ലണ്ടൻ സ്റ്റുഡിയോസ് എന്നിവയുടെ ബാനറിൽ അരുൺ നാരായൺ, സിജോ സെബാസ്റ്റ്യൻ എന്നിവർ ചേർന്നാണ് ഈ സിനിമയുടെ നിർമാണം. പൂർണ്ണമായും ത്രില്ലർ ജോണറിലാകും ജിസ് ജോയ് തലവൻ അണിയിച്ചൊരുക്കുക. പൊലീസ് പശ്ചാത്തലത്തിലാണ് ചിത്രത്തിന്‍റെ കഥ ഒരുക്കിയതെന്ന് ടൈറ്റിൽ അനൗൺസ്‌മെന്‍റ് വീഡിയോയിൽ നിന്നും വ്യക്തമാണ്.

ആസിഫ് അലിയും ബിജു മേനോനും ചിത്രത്തിൽ പൊലീസ് ഉദ്യോഗസ്ഥരായാണ് വേഷമിടുന്നത്. പൊലീസ് വകുപ്പിലെ അറിയപ്പെടാത്ത പല ദൂരൂഹതകളുടേയും മറനീക്കുന്ന ഇൻവസ്റ്റിഗേറ്റീവ് ത്രില്ലർ ചിത്രമായിരിക്കും തലവൻ എന്നാണ് സൂചന. ഉത്തരവാദിത്വമുള്ള പദവി വഹിക്കുന്ന രണ്ടു പേരുടെ ഔദ്യോഗിക ജീവിതത്തിലെ കിടമത്സരമാണ് ചിത്രത്തിൻ്റെ കഥാതന്തു.

വമ്പൻ താരനിരയും ചിത്രത്തിൽ അണിനിരക്കുന്നുണ്ട്. ദിലീഷ് പോത്തൻ, അനുശ്രീ, റീന്നു മാത്യൂസ്, ശങ്കർ രാമകൃഷ്‌ണൻ, ജോജി കെ ജോൺ, കോട്ടയം നസീർ, അനുരൂപ്, ദിനേശ്, അനുരൂപ്, നനൻ ഉണ്ണി ബി ലാസ് എന്നിവരാണ് ചിത്രത്തിൽ പ്രധാന കഥാപത്രങ്ങളെ അവതരിപ്പിക്കുന്നത്. ശരത് ലാൽ പെരുമ്പാവൂർ, ആനന്ദ് തേവർകാട് എന്നിവരാണ് ഈ ചിത്രത്തിനായി തിരക്കഥ രചിച്ചത്.

ശരൺ വേലായുധൻ ഛായാഗ്രഹണം നിർവഹിക്കുന്ന ചിത്രത്തിന്‍റെ എഡിറ്റിംഗ് കൈകാര്യം ചെയ്യുന്നത് സൂരജ് ഇ എസ് ആണ്. കലാസംവിധാനം - അജയൻ മണ്ടാട്, ചീഫ് അസോസിയേറ്റ് ഡയറക്‌ടർ - സാഗർ, മേക്കപ്പ് - റോണക്‌സ്, കോസ്റ്റ്യൂം ഡിസൈൻ - ജിഷാദ്, പ്രൊഡക്ഷൻ മാനേജർ - ജോബി ജോൺ, പ്രൊഡക്ഷൻ എക്‌സിക്യൂട്ടീവ് - ഷെമീജ് കൊയിലാണ്ടി, പ്രൊഡക്ഷൻ കൺട്രോളർ - ആസാദ് കണ്ണാടിക്കൽ, പി ആർ ഒ - വാഴൂർ ജോസ്, ഡിജിറ്റൽ മാർക്കറ്റിംഗ് - അനൂപ് സുന്ദരൻ എന്നിവരാണ് ചിത്രത്തിലെ മറ്റ് അണിയറ പ്രവർത്തകർ.