Jeremy Renner reveals he broke over 30 bones: മഞ്ഞ് നീക്കുന്നതിനിടെ ഉണ്ടായ അപകടത്തില്‍ പരിക്കേറ്റ് ഗുരുതരാവസ്ഥയില്‍ ചികിത്സയില്‍ കഴിയുന്ന ഹോളിവുഡ് താരം ജെറമി റെന്നറുടെ പുതിയ ഇന്‍സ്‌റ്റഗ്രാം പോസ്‌റ്റ വൈറലാവുന്നു. തന്‍റെ ആരോഗ്യ സ്ഥിതി വ്യക്തമാക്കി കൊണ്ടുള്ള കുറിപ്പാണ് താരം പങ്കുവച്ചിരിക്കുന്നത്. അപകടത്തില്‍ തന്‍റെ 30 എല്ലുകള്‍ ഒടിഞ്ഞതായാണ് താരത്തിന്‍റെ വെളിപ്പെടുത്തല്‍.
- " class="align-text-top noRightClick twitterSection" data="
">
Jeremy Renner shares new pic: എന്നാല്‍ ഇതില്‍ നിന്നെല്ലാം താന്‍ ശക്തനായി തിരികെ വരുമെന്നും ജെറമി ഇന്‍സ്‌റ്റഗ്രാമില്‍ കുറിച്ചു. 'ഈ പ്രത്യേക പുതുവര്‍ഷത്തിലെ എല്ലാ തീരുമാനങ്ങളും മാറി. എന്‍റെ കുടുംബത്തില്‍ ഉണ്ടായ ദുരന്തത്തില്‍ നിന്ന് കരകയറുകയാണ്. കുടുംബ ബന്ധങ്ങളില്‍ ആ സ്‌നേഹത്തില്‍ ശ്രദ്ധ കേന്ദ്രീകരിക്കുകയാണ്.
Jeremy Renner Instagram post: എല്ലാവരുടെയും സന്ദേശങ്ങള്‍ക്കും നന്ദി പറയുകയാണ്. നിങ്ങള്‍ക്കെല്ലാവര്‍ക്കും ഒരുപാട് സ്‌നേഹവും അഭിനന്ദനവും. കുടുംബത്തോടും സുഹൃത്തുക്കളോടുമുള്ള സ്‌നേഹ ബന്ധം പോലെ തന്നെ ഈ ഒടിഞ്ഞ മുപ്പതിലധികം എല്ലുകളും ഒന്നാകുകയും കൂടുതല്‍ ശക്തമാകുകയും ചെയ്യും.' -ജെറമി കുറിച്ചു.
Physiotherapist helps Jeremy Renner to exercise: ആശുപത്രി കിടക്കയില്‍ കിടക്കുന്ന താരത്തെ ഫിസിയോതെറാപ്പിസ്‌റ്റ് വ്യായാമം ചെയ്യാന്‍ സഹായിക്കുന്ന ചിത്രവും ജെറമി സോഷ്യല്‍ മീഡിയയില്‍ പങ്കുവച്ചിട്ടുണ്ട്. ചിത്രത്തില്‍ ചാരനിറമുള്ള ടി ഷര്‍ട്ടും കറുത്ത നിറമുള്ള ഷോര്‍ട്ടുമാണ് താരം ധരിച്ചിരിക്കുന്നത്. സങ്കീര്‍ണമായ ശസ്‌ത്രക്രിയയിലൂടെയാണ് താരം ജീവിതത്തിലേയ്‌ക്ക് തിരികെയെത്തിയത്. നേരത്തെയും ആശുപത്രി കിടക്കയില്‍ നിന്നുള്ള തന്‍റെ ആരോഗ്യ സ്ഥിതി വെളിപ്പെടുത്തുന്ന പോസ്‌റ്റുമായി ജെറമി റെന്നര്‍ സോഷ്യല്‍ മീഡിയയില്‍ എത്തിയിരുന്നു.
Jeremy Renner underwent surgery after accident: മഞ്ഞു നീക്കുന്നതിനിടെ മഞ്ഞ് നീക്കുന്ന യന്ത്രം ശരീരത്തിലേയ്‌ക്ക് പാഞ്ഞു കയറിയാണ് ജെറമി റെന്നര്‍ക്ക് ഗുരുതരമായി പരുക്കേറ്റത്. കഴിഞ്ഞ ഡിസംബറില്‍ ഏറ്റവും വലിയ മഞ്ഞുകാറ്റാണ് അമേരിക്കയില്‍ വീശിയത്. വര്‍ഷങ്ങളായി വാഷോവിലെ അതിശൈത്യമുള്ള പ്രദേശത്താണ് ജെറമി റെന്നര്‍ താമസിച്ച് വരുന്നത്.
Jeremy Renner accident occurred near his home: പുതുവത്സര തലേന്ന് തെക്കന്‍ നെവാഡ പ്രദേശത്തുണ്ടായ കൊടുങ്കാറ്റില്‍ പ്രദേശത്ത് കനത്ത മഞ്ഞു വീഴ്‌ച ഉണ്ടായിരുന്നു. മഞ്ഞു വീഴ്‌ചയില്‍ 31,000ലധികം വീടുകളില്‍ വൈദ്യുതി വിച്ഛേദിക്കപ്പെട്ടിരുന്നു. നടന്‍റെ വീട്ടില്‍ നിന്നും പുറത്തിറങ്ങാനുള്ള റോഡ്, ഗതാഗത യോഗ്യം അല്ലാത്തതിനെ തുടര്‍ന്ന് മഞ്ഞ് നീക്കം ചെയ്യുന്ന വണ്ടിയുമായി ജെറമി റോഡിലേക്ക് ഇറങ്ങുകയായിരുന്നു. എന്നാല്‍ ഈ വണ്ടി അപകടത്തിലാവുകയും ജെറമിയുടെ കാലില്‍ കൂടി വാഹനം കയറി ഇറങ്ങുകയുമായിരുന്നു.
Jeremy Renner latest movies: അവഞ്ചേഴ്‌സിലൂടെ ഹോക്ക് ഐ എന്ന കഥാപാത്രത്തിലൂടെ പ്രേക്ഷക ശ്രദ്ധ നേടിയ താരമാണ് ജെറമി റെന്നര്‍. 'മിഷന്‍ ഇംപോസിബിള്‍', 'ദി ടൗണ്‍', 'അമേരിക്കന്‍ ഹസില്‍', '28 വീക്ക്‌സ്‌ ലേറ്റര്‍' തുടങ്ങിയവയാണ് ജെറമിയുടെ പ്രധാന ചിത്രങ്ങള്‍. 2021ല്‍ റിലീസായ 'ബാക് ഹോം' ആണ് താരത്തിന്‍റേതായി ഏറ്റവും ഒടുവില്‍ റിലീസായ ചിത്രം.
Also Read: ആശുപത്രി കിടക്കയില്‍ നിന്നും സെല്‍ഫി പോസ്‌റ്റുമായി ജെറമി റെന്നര്‍
