Pachuvum Athbhuthavilakkum schedule will restart: ഫഹദ്‌ ഫാസിലിന്‍റെ ഏറ്റവും പുതിയ ചിത്രങ്ങളിലൊന്നാണ് 'പാച്ചുവും അത്‌ഭുതവിളക്കും'. ചിത്രത്തിന്‍റെ ആദ്യ ഷെഡ്യൂള്‍ ഏപ്രില്‍ 15ന്‌ കൊച്ചിയില്‍ പുനഃരാരംഭിക്കും. അഖില്‍ സത്യന്‍ രചനയും സംവിധാനവും നിര്‍വഹിക്കുന്ന ആദ്യ ചിത്രം കൂടിയാണ് പാച്ചുവും അത്‌ഭുത വിളക്കും.
ഫഹദ്‌ ഫാസില്‍, മുകേഷ്‌, ഇന്നസെന്‍റ്‌ എന്നിവരാണ് പുതിയ ഷെഡ്യൂളില്‍ പങ്കെടുക്കുക. അഞ്ജന ജയപ്രകാശാണ് ചിത്രത്തില്‍ ഫഹദിന്‍റെ നായികയായെത്തുന്നത്‌. കാര്‍ത്തിക്‌ നരേന്‍റെ 'ധ്രുവങ്ങള്‍ 16' എന്ന സിനിമയിലൂടെ ശ്രദ്ധേയയാണ് അഞ്ജന. ജയസൂര്യയുടെ 'കുമ്പസാരം' എന്ന ചിത്രത്തില്‍ ചെറിയ വേഷത്തില്‍ അഞ്ജന വേഷമിട്ടിട്ടുണ്ട്‌. ഗൗതം മേനോന്‍റെ 'ക്യൂന്‍' വെബ്‌ സീരിസിലും അഞ്ജന അഭിനയിച്ചിട്ടുണ്ട്‌.
Pachuvum Athbhuthavilakkum cast and crew: വിനീത്‌, വിജി വെങ്കിടേഷ്‌ എന്നിവരും സിനിമയില്‍ മറ്റു പ്രധാന കഥാപാത്രങ്ങളെ അവതരിപ്പിക്കും. ഫുള്‍ മൂണ്‍ സിനിമയുടെ ബാനറില്‍ സേതു മണ്ണാര്‍ക്കാട്‌ ആണ് നിര്‍മാണം. ശരണ്‍ വേലായുധന്‍ ഛായാഗ്രഹണം നിര്‍വഹിക്കും.
സംവിധായകന്‍ സത്യന്‍ അന്തിക്കാടിന്‍റെ മകനാണ് അഖില്‍ സത്യന്‍. വരനെ ആവശ്യമുണ്ട്‌ എന്ന ചിത്രത്തിലൂടെ സംവിധായക കുപ്പായമണിഞ്ഞ അനൂപ്‌ സത്യന്‍റെ ഇരട്ട സഹോദരന്‍ കൂടിയാണ് അഖില്‍ സത്യന്‍. ഫഹദ്‌ ഫാസിലിനെ നായകനാക്കി സത്യന്‍ അന്തിക്കാട്‌ സംവിധാനം ചെയ്‌ത ഞാന്‍ പ്രകാശന്‍ എന്ന സിനിമയുടെ അസോസിയേറ്റ്‌ ഡയറക്‌ടറായിരുന്നു അഖില്‍.
Also Read:നാരദനെ ഇനി വീട്ടില്‍ ഇരുന്നും കാണാം...
