Ahaana Krishna birthday : പിറന്നാള്‍ നിറവില്‍ അഹാന കൃഷ്‌ണ. നടിയുടെ 27-ാം ജന്മദിനമാണ് ഇന്ന്. നിരവധി പേര്‍ അഹാനയ്‌ക്ക് ജന്മദിനാശംസകളുമായി എത്തിയിട്ടുണ്ട്. ദുല്‍ഖര്‍ സല്‍മാനും നടിക്ക് പിറന്നാള്‍ ആശംസകള്‍ നേര്‍ന്നിരിക്കുകയാണ്.
Dulquer Salmaan birthday wishes to Ahaana: അഹാനയുടെ ഏറ്റവും പുതിയ ചിത്രമായ അടിയുടെ ഫസ്‌റ്റ് ലുക്ക് പോസ്‌റ്റര്‍ പങ്കുവച്ചുകൊണ്ടായിരുന്നു ദുല്‍ഖറിന്‍റെ ആശംസ. 'പിറന്നാള്‍ ആശംസകള്‍ അഹാന. ഞാനും വേഫാറര്‍ ടീമും ചേര്‍ന്ന് നല്‍കുന്ന ഒരു ചെറിയ സമ്മാനമാണിത്. അടിയിലെ ഗീതികയെ ഗംഭീരവും ജീവസ്സുറ്റതുമാക്കിയിട്ടുണ്ട് അഹാന. എല്ലാവരും അത് കാണുന്നതിനായുള്ള വലിയ കാത്തിരിപ്പിലാണ് ഞാന്‍. മനോഹരമായ ഒരു വര്‍ഷമാകട്ടെ മുന്നിലുള്ളത്' - പോസ്‌റ്റര്‍ പങ്കുവച്ച് ദുല്‍ഖര്‍ ഫേസ്ബുക്കില്‍ കുറിച്ചു.
- " class="align-text-top noRightClick twitterSection" data="">
Ahaana Krishna thanks to Dulquer Salmaan : ദുല്‍ഖറിന് നന്ദി പറഞ്ഞ് അഹാനയും രംഗത്തെത്തി. 'ഒരുപാട് നന്ദി ദുല്‍ഖര്‍. ഇത് എനിക്ക് ഏറെ മൂല്യമുള്ളതാണ്. എന്നെ ഇത് ഒരുപാട് സന്തോഷിപ്പിക്കുന്നു. ലോകം നമ്മുടെ സിനിമ കാണുന്നതിനായുള്ള വലിയ കാത്തിരിപ്പിലാണ് ഇപ്പോള്‍' - അഹാന കുറിച്ചു.
Adi first look poster: അഹാന കൃഷ്‌ണ, ഷൈന്‍ ടോം ചാക്കോ എന്നിവരെ കേന്ദ്ര കഥാപാത്രങ്ങളാക്കി പ്രശോഭ്‌ വിജയന്‍ സംവിധാനം ചെയ്യുന്ന ചിത്രമാണ് അടി. അഹാനയുടെ ജന്മദിനത്തില്‍ പുറത്തിറങ്ങിയ പോസ്‌റ്ററില്‍ അഹാനയുടെയും ഷൈനിന്‍റെയും കഥാപാത്രങ്ങളാണുള്ളത്. ലില്ലി, അന്വേഷണം എന്നീ സിനിമകള്‍ക്ക് ശേഷം പ്രശോഭ്‌ വിജയന്‍ സംവിധാനം ചെയ്യുന്ന സിനിമ കൂടിയാണിത്.
- " class="align-text-top noRightClick twitterSection" data="">
വേഫാറര്‍ ഫിലിംസിന്‍റെ ബാനറില്‍ ദുല്‍ഖര്‍ സല്‍മാനാണ് സിനിമയുടെ നിര്‍മാണം. വരനെ ആവശ്യമുണ്ട്, മണിയറയിലെ അശോകന്‍, കുറുപ്പ് എന്നീ ചിത്രങ്ങള്‍ക്ക് ശേഷം വേഫാറര്‍ ഫിലിംസ് പ്രഖ്യാപിച്ച ചിത്രമാണിത്. രതീഷ്‌ രവിയുടേതാണ് തിരക്കഥ. ഗോവിന്ദ് വസന്ത സംഗീത സംവിധാനവും നിര്‍വഹിക്കും.
ധ്രുവന്‍, ബിറ്റോ ഡേവിഡ്‌, ശ്രീകാന്ത് ദാസന്‍ എന്നിവരും സിനിമയില്‍ അണിനിരക്കുന്നു. ഫായിസ് സിദ്ധിഖ് ആണ് ഛായാഗ്രഹണം. സുഡാനി ഫ്രം നൈജീരിയ ഫെയിം നൗഫല്‍ എഡിറ്റിങ്ങും നിര്‍വഹിക്കും. ആലുവയിലും പരിസര പ്രദേശങ്ങളിലുമായിരുന്നു ചിത്രീകരണം.
