ജനപ്രിയ നായകന്‍ ദിലീപിന്‍റെ (Dileep) ഏറ്റവും പുതിയ പ്രോജക്‌ടുകളില്‍ ഒന്നാണ് 'തങ്കമണി' (Thankamani). രതീഷ് രഘുനന്ദന്‍ രചനയും സംവിധാനവും നിര്‍വഹിക്കുന്ന 'തങ്കമണി'യുടെ ഫസ്‌റ്റ് ലുക്ക് പോസ്‌റ്റര്‍ റിലീസ് ചെയ്‌തു (Thankamani First Look). ചിത്രത്തിലെ ദിലീപിന്‍റെ ലുക്കാണ് അണിയറപ്രവര്‍ത്തകര്‍ പുറത്തുവിട്ടിരിക്കുന്നത് (Dileep look from Thankamani).
'ദി ബ്ലീഡിങ് വില്ലേജ്' എന്ന ടാഗ്‌ലൈനോടു കൂടിയാണ് പോസ്‌റ്റര്‍ പുറത്തിറങ്ങിയിരിക്കുന്നത്. വൃദ്ധന്‍റെ ലുക്കില്‍ പ്രതികാര ഭാവത്തിലുള്ള ദിലീപിനെയാണ് പോസ്‌റ്ററില്‍ കാണാനാവുക. ദിലീപിന്‍റെ കരിയറിലെ ഏറെ വ്യത്യസ്‌തമായൊരു കഥാപാത്രമായിരിക്കും ചിത്രത്തിലേതെന്നാണ് സൂചന. കേരള മനസാക്ഷിയെ നടുക്കിയ ഇടുക്കി തങ്കമണി സംഭവത്തിന്‍റെ 37-ാമത് വാര്‍ഷിക ദിനത്തിലാണ് തങ്കമണിയുടെ ഫസ്‌റ്റ് ലുക്ക് നിര്‍മാതാക്കള്‍ പുറത്തുവിട്ടത് എന്നതും ശ്രദ്ധേയം.
- " class="align-text-top noRightClick twitterSection" data="">
1986 ഒക്‌ടോബര്‍ 21ന് ഇടുക്കിയിലെ കാമാക്ഷി ഗ്രാമപഞ്ചായത്തിലെ തങ്കമണി എന്ന ഗ്രാമത്തില്‍ ഒരു ബസ് സര്‍വീസുമായി ബന്ധപ്പെട്ടുണ്ടായ തര്‍ക്കത്തെ തുടര്‍ന്ന് പൊലീസ് ലാത്തിച്ചാര്‍ജും വെടിവയ്‌പ്പും ഉണ്ടായിരുന്നു. ഈ സംഭവങ്ങളാണ് 'തങ്കമണി' സിനിമയുടെ ചിത്രപശ്ചാത്തലം.
ദിലീപ് നായകനായി എത്തുന്ന ചിത്രത്തില്‍ നീത പിള്ള, പ്രണിത സുഭാഷ് എന്നിവരാണ് നായികമാരായി എത്തുന്നത്. തെന്നിന്ത്യന്‍ താരങ്ങളായ സമ്പത് റാം, ജോണ്‍ വിജയ്‌ എന്നിവരും സിനിമയില്‍ സുപ്രധാന വേഷങ്ങളിലെത്തും. കൂടാതെ അജ്‌മല്‍ അമീര്‍, സിദ്ദിഖ്, സുദേവ് നായര്‍, മനോജ് കെ ജയന്‍, മേജര്‍ രവി, കോട്ടയം രമേഷ്, സന്തോഷ് കീഴാറ്റൂര്‍, അസീസ് നെടുമങ്ങാട്, ജിബിന്‍ ജി, തൊമ്മന്‍ മാങ്കുവ, അരുണ്‍ ശങ്കരന്‍, മുക്ത, രമ്യ പണിക്കര്‍, മാളവിക മേനോന്‍, സ്‌മിനു, അംബിക മോഹന്‍, ശിവകാമി എന്നിവരും ചിത്രത്തില്‍ അണിനിരക്കും.
'ഉടല്‍' എന്ന സിനിമയ്‌ക്ക് ശേഷമുള്ള രതീഷ് രഘുനന്ദന്‍റെ ചിത്രമാണ് 'തങ്കമണി'. സൂപ്പര്‍ ഗുഡ് ഫിലിംസിന്‍റെ ബാനറില്‍ ആര്‍ബി ചൗധരിയും, ഇഫാര്‍ മീഡിയയുടെ ബാനറില്‍ റാഫി മതിരയും ചേര്‍ന്നാണ് സിനിമയുടെ നിര്‍മാണം നിര്‍വഹിക്കുക. ആക്ഷന് പ്രാധാന്യമുള്ള ചിത്രത്തില്‍ മാഫിയ ശശി, സ്‌റ്റണ്ട് ശിവ, രാജശേഖര്‍, സുപ്രീം സുന്ദര്‍ എന്നിവര്‍ ചേര്‍ന്നാണ് സംഘട്ടന രംഗങ്ങള്‍ ഒരുക്കുന്നത്.
ഛായാഗ്രഹണം - മനോജ് പിള്ള, എഡിറ്റിങ് - ശ്യാം ശശിധരന്‍, ഗാനരചന - ബിടി അനില്‍ കുമാര്‍, സംഗീതം - വില്യം ഫ്രാന്‍സിസ്, കലാസംവിധാനം - മനു ജഗത്, മേക്കപ്പ് - റോഷന്‍, കോസ്റ്റ്യൂം ഡിസൈനര്‍ - അരുണ്‍ മനോഹര്‍, സൗണ്ട് ഡിസൈനര്‍ - ഗണേഷ് മാരാര്‍, മിക്‌സിംഗ് - ശ്രീജേഷ് നാര്‍, എക്‌സിക്യൂട്ടീവ് പ്രൊഡ്യൂസര്‍ സുജിത് ജെ നായര്‍, പ്രോജക്‌ട് ഡിസൈനര്‍ - സജിത് കൃഷ്‌ണ, പ്രോജക്‌ട് ഹെഡ് - സുമിത്ത് ബിപി, ചീഫ് അസോസിയേറ്റ് ഡയറക്‌ടര്‍ - മനേഷ് ബാലകൃഷ്‌ണന്‍, വിഎഫ്‌എക്‌സ്‌ - എഗ് വൈറ്റ്, സ്‌റ്റില്‍സ്‌ - ശാലു പേയാട്, പിആര്‍ഒ - മഞ്ജു ഗോപിനാഥ് എന്നിവരും നിര്‍വഹിക്കും.
Also Read: Bandra Second Teaser 'മാസ് ഗെറ്റപ്പും പ്രണയവും'; 'ബാന്ദ്ര'യുടെ വരവറിയിച്ച് രണ്ടാം ടീസർ
