പ്രേക്ഷക ശ്രദ്ധ നേടി അനുരാഗം എന്ന ചിത്രത്തിലെ ആദ്യഗാനവും നടന്‍ അശ്വിന്‍ ജോസ് പങ്കുവച്ച കുറിപ്പും. ചിത്രത്തിലെ ചില്‍ ആണെ എന്ന ഗാനമാണ് പുറത്തിറങ്ങിയിരിക്കുന്നത്. ഗാനത്തിന് പിന്നാലെ അശ്വിന്‍ പങ്കുവച്ച കുറിപ്പ് ഇങ്ങനെ.
- " class="align-text-top noRightClick twitterSection" data="">
'വണ്‍ സൈഡ് ലവിന്‍റെ ഫീല്‍ അനുഭവിക്കാത്തവര്‍ ആരും ഉണ്ടാകില്ല. അതുകൊണ്ടാണ് ആ ഇമോഷനെ ബേസ് ചെയ്‌ത് ഒരു സെലിബ്രേഷന്‍ സോങ് പ്ലാന്‍ ചെയ്‌തത്. ഞങ്ങളെ കൊണ്ട് കഴിയുന്ന രീതിയില്‍ നന്നാക്കാന്‍ ശ്രമിച്ചിട്ടുണ്ട്. കാണുക, അഭിപ്രായം പറയുക. ഇഷ്‌ടമായാല്‍ എല്ലാവര്‍ക്കും ഷെയര്‍ ചെയ്യുക. ഇഷ്‌ടമായില്ലെങ്കില്‍ വീണ്ടും വീണ്ടും കണ്ട് ഇഷ്‌ടപ്പെടുക. എന്നിട്ട് ഷെയര്‍ ചെയ്യുക. വേറെ വഴിയില്ല'
പ്രകാശന്‍ പറക്കട്ടെ എന്ന ചിത്രത്തിന് ശേഷം ഷഹദ് നിലമ്പൂര്‍ സംവിധാനം ചെയ്യുന്ന ചിത്രമാണ് അനുരാഗം. നടന്‍ അശ്വിന്‍ തന്നെയാണ് ചിത്രത്തിന്‍റെ കഥ എഴുതിയിരിക്കുന്നത്. കഥ എഴുതി അഭിനയിക്കുക എന്നത് ചെറുപ്പം മുതലുള്ള ആഗ്രഹമാണെന്ന് അശ്വിന്‍ പറയുന്നു.
അശ്വിന്‍ ജോസിനൊപ്പം ഗൗതം മേനോന്‍, ജോണി ആന്‍റണി, ദേവയാനി, ഷീല, ഗൗരി ജി കിഷന്‍, ലെന, ദുര്‍ഗ കൃഷ്‌ണ തുടങ്ങിയവരും ചിത്രത്തില്‍ പ്രധാന വേഷങ്ങളില്‍ എത്തുന്നു. ലക്ഷ്‌മി നാഥ് ക്രിയേഷന്‍സ്, സത്യം സിനിമാസ് എന്നിവയുടെ ബാനറില്‍ സുധീഷ് എന്‍, പ്രേമചന്ദ്രന്‍ എജി എന്നിവരാണ് ചിത്രം നിര്‍മിക്കുന്നത്.
