ടെലിവിഷൻ സീരിയലിലൂടെ ശ്രദ്ധേയനായ രക്ഷ് റാം ബിഗ് സ്‌ക്രീനിൽ നായകനായി അരങ്ങേറ്റം കുറിക്കുന്ന ചിത്രമാണ് 'ബർമ്മ'. ചേതൻ കുമാർ സംവിധാനം ചെയ്യുന്ന ഈ ചിത്രത്തിന്‍റെ പുതിയ പോസ്റ്റർ പുറത്തുവന്നു (Burma starring Raksh Ram new poster out). രക്ഷ് റാമിന്‍റെ പിറന്നാളിനോട് അനുബന്ധിച്ച് താരത്തിന് പിറന്നാൾ ആശംസകൾ നേർന്നുകൊണ്ടാണ് അണിയറ പ്രവർത്തകർ പുതിയ പോസ്റ്റർ പുറത്തുവിട്ടത്.
രക്തം പുരണ്ട രണ്ട് കോടാലികളും പിടിച്ച് നിൽക്കുന്ന രക്ഷ് റാമാണ് പോസ്റ്ററിൽ. ഒരു മുഴുനീള കൊമേർഷ്യൽ എന്‍റർടെയിനറായി ഒരുങ്ങുന്ന ചിത്രത്തിൽ അത്യുഗ്രൻ ആക്ഷൻ സ്വീക്വൻസുകളും ഉണ്ടാകുമെന്ന് വാഗ്‌ദാനം ചെയ്യുന്നതാണ് ഇപ്പോൾ പുറത്തുവന്ന പോസ്റ്റർ. ഷാവർ അലിയാണ് ഈ ചിത്രത്തിൽ മറ്റൊരു സുപ്രധാന വേഷം കൈകാര്യം ചെയ്യുന്നത്.
രക്ഷ് റാമിന്‍റെ നിർമാണ കമ്പനിയായ ശ്രീ സായി ആഞ്ജനേയ കമ്പനിയുടെ ബാനറിലാണ് 'ബർമ്മ' ഒരുങ്ങുന്നത്. വലിയ സിനിമാറ്റിക് സ്‌കെയിലിൽ നിർമിക്കുന്ന ചിത്രത്തിന്‍റെ ഷൂട്ടിംഗ് പുരോഗമിക്കുകയാണ്. ചിത്രത്തിന്‍റെ കൂടുതൽ വിവരങ്ങൾ വരും ദിവസങ്ങളിൽ പുറത്തുവരുമെന്നാണ് പ്രതീക്ഷിക്കുന്നത്.
ചേതൻ കുമാറിന്‍റെ മുൻ ചിത്രങ്ങളായ 'ബഹദ്ദൂർ', 'ഭജരംഗി', 'ഭാരതേ' എന്നിവ ബോക്‌സ് ഓഫിസിൽ മികച്ച വിജയം സ്വന്തമാക്കിയിരുന്നു. പുതിയ ചിത്രമായ 'ബർമ്മ'യിലൂടെ മറ്റൊരു ബോക്‌സ് ഓഫിസ് ഹിറ്റിന് കോപ്പുകൂട്ടുകയാണ് സംവിധായകൻ ചേതൻ കുമാർ. വി ഹരികൃഷ്‌ണനാണ് ചിത്രത്തിലെ ഗാനങ്ങൾക്ക് സംഗീതം പകരുന്നത്. പിആർഒ : ശബരി.
മുഹമ്മദ് മുസ്‌തഫ - സുരാജ് വെഞ്ഞാറമ്മൂട് ചിത്രത്തിന്‍റെ ടൈറ്റിൽ പുറത്ത്: 'കപ്പേള'യ്‌ക്ക് ശേഷം മുഹമ്മദ് മുസ്‌തഫ സംവിധാനം ചെയ്യുന്ന ചിത്രത്തിന്‍റെ ടൈറ്റിൽ പോസ്റ്റർ പുറത്തുവന്നു. 'മുറ' എന്ന് പേര് നൽകിയിരിക്കുന്ന ചിത്രം തലസ്ഥാന നഗരിയുടെ പശ്ചാത്തലത്തിലാണ് ഒരുങ്ങുന്നത്. തിരുവനന്തപുരം നഗര പശ്ചാത്തലത്തിൽ നടക്കുന്ന കഥയാകും 'മുറ' പറയുക എന്ന സൂചന നൽകുന്നതാണ് ഇപ്പോൾ പുറത്തുവന്ന പോസ്റ്റർ.
ചിത്രത്തിൽ സുരാജ് വെഞ്ഞാറമ്മൂടാണ് കേന്ദ്ര കഥാപാത്രത്തെ അവതരിപ്പിക്കുന്നത് (Muhammed Musthafa - suraj venjaramoodu). ഹൃദു ഹാറൂൺ, മാലാ പാർവതി, കനി കുസൃതി, കണ്ണൻ നായർ, ജോബിൻ ദാസ്, അനുജിത് കണ്ണൻ, യെദു കൃഷ്‌ണ, വിഘ്‌നേശ്വർ സുരേഷ്, കൃഷ് ഹസൻ, സിബി ജോസഫ് എന്നിവരും 'മുറ'യിൽ മറ്റ് പ്രധാന കഥാപാത്രങ്ങളെ അവതരിപ്പിക്കുന്നു. വഴിയോരങ്ങളിൽ നിന്നും കോളജുകളിൽ നിന്നും അഭിനേതാക്കളെ നേരിട്ട് ഓഡിഷൻ സെന്‍ററിൽ എത്തിച്ച് ട്രെയിൻ ചെയ്‌താണ് അണിയറ പ്രവർത്തകർ താരനിർണയം പൂർത്തിയാക്കിയത്.
'ഉപ്പും മുളകും' എന്ന പരമ്പരയിലൂടെ പ്രശസ്‌തിയാർജിച്ച എഴുത്തുകാരനും അഭിനേതാവുമായ സുരേഷ് ബാബുവാണ് 'മുറ' സിനിമയുടെ രചന നിർവഹിച്ചത്. പ്രമുഖ നിർമ്മാണ-വിതരണ കമ്പനിയായ എച്ച് ആർ പിക്‌ചേഴ്‌സിന്‍റെ ബാനറിൽ റിയാ ഷിബു ആണ് ഈ ചിത്രം നിർമിക്കുന്നത്.
READ MORE: 'കപ്പേള'യ്‌ക്ക് ശേഷം 'മുറ' ; മുഹമ്മദ് മുസ്‌തഫ - സുരാജ് വെഞ്ഞാറമ്മൂട് ചിത്രത്തിന്‍റെ ടൈറ്റിൽ പുറത്ത്
