Soorarai Pottru Hindi remake: നടിപ്പിന്‍ നായകന്‍ സൂര്യയുടെ ബ്ലോക്‌ബസ്‌റ്റര്‍ ചിത്രം 'സൂരറൈ പോട്രി'ന്‍റെ ഹിന്ദി റീമേക്ക് ചിത്രീകരണം ആരംഭിച്ചു. സിനിമ ബോളിവുഡിലെത്തുമ്പോള്‍ സൂര്യ അവതരിപ്പിച്ച നെടുമാരനായി സൂപ്പര്‍താരം അക്ഷയ് കുമാറാണ് വേഷമിടുന്നത്. ചിത്രീകരണം ആരംഭിച്ച സൂരറൈ പോട്ര് ഹിന്ദി റീമേക്കിന്‍റെ ഷൂട്ടിങ് വീഡിയോ പുറത്തുവിട്ടിരിക്കുകയാണ് അണിയറപ്രവര്‍ത്തകര്‍.
Soorarai Pottru remake shooting: പൂനെ ലൊക്കേഷനില്‍ നിന്നുളള വീഡിയോ ആണ് സിനിമയുടെതായി വന്നിരിക്കുന്നത്. പൂനെയിലെ ഒരു മാര്‍ക്കറ്റ്‌ റോഡില്‍ ചിത്രത്തിലെ നായികയ്‌ക്കൊപ്പം നടക്കുന്ന അക്ഷയ് കുമാറിനെയാണ് വീഡിയോയില്‍ കാണാനാവുക. തമിഴില്‍ അപര്‍ണ ബാലമുരളി അവതരിപ്പിച്ച ബൊമ്മി എന്ന കഥാപാത്രം ഹിന്ദിയില്‍ രാധിക മധനാണ് ചെയ്യുന്നത്.
Soorarai Pottru shooting video: സുരറൈ പോട്ര് തമിഴില്‍ എടുത്ത സംവിധായിക സുധ കൊങ്കാര തന്നെയാണ് ചിത്രം ഹിന്ദിയിലും ഒരുക്കുന്നത്‌. ഹിന്ദി റീമേക്കിന്‍റെ ചിത്രീകരണം ആരംഭിച്ച വിവരം അക്ഷയ് കുമാറും തന്‍റെ സോഷ്യല്‍ മീഡിയ പേജുകളിലൂടെ അറിയിച്ചിട്ടുണ്ട്‌. സിനിമയിലെ താരത്തിന്‍റെ ലുക്കും ഇപ്പോള്‍ സോഷ്യല്‍ മീഡിയയിലൂടെ പ്രചരിക്കുന്നുണ്ട്‌.
-
Video: @akshaykumar and #RadhikaMadan spotted in Pune recently during #SooraraiPottru Hindi version shooting. pic.twitter.com/G3RNT0gGNT
— Akshay Kumar 24x7 (@Akkistaan) May 27, 2022 " class="align-text-top noRightClick twitterSection" data="
">Video: @akshaykumar and #RadhikaMadan spotted in Pune recently during #SooraraiPottru Hindi version shooting. pic.twitter.com/G3RNT0gGNT
— Akshay Kumar 24x7 (@Akkistaan) May 27, 2022Video: @akshaykumar and #RadhikaMadan spotted in Pune recently during #SooraraiPottru Hindi version shooting. pic.twitter.com/G3RNT0gGNT
— Akshay Kumar 24x7 (@Akkistaan) May 27, 2022
സൂര്യ അനശ്വരമാക്കിയ നെടുമാരന്‍ എന്ന കഥാപാത്രത്തിനായി നേരത്തെ ബോളിവുഡിലെ പല മുൻനിര താരങ്ങളുടെ പേരും ഉയര്‍ന്നുവന്നിരുന്നു. അജയ് ദേവ്‌ഗൺ, ഹൃത്വിക് റോഷൻ, ജോൺ എബ്രഹാം എന്നീ താരങ്ങളെയാണ് ഈ റോളിനായി പരിഗണിച്ചിരുന്നത്‌. ഒടുവില്‍ അക്ഷയ് കുമാറിലേക്ക് ഈ കഥാപാത്രം വന്നെത്തുകയായിരുന്നു
Soorarai Pottru real based movie: സൂര്യയുടെ നിര്‍മാണ കമ്പനിയായ 2 ഡി എന്‍റര്‍ടെയ്‌ന്‍മെന്‍റ്‌സും, വിക്രം മല്‍ഹോത്ര എന്‍റര്‍ടെയ്‌ന്‍മെന്‍റും ചേര്‍ന്നാണ് നിര്‍മാണം. ആഭ്യന്തര വിമാന സര്‍വീസായ എയര്‍ ഡെക്കാനിന്‍റെ സ്ഥാപകന്‍ ജി ആര്‍ ഗോപിനാഥിന്‍റെ ജീവിത കഥയെ ആസ്‌പദമാക്കിയുള്ള ചിത്രമാണ് 'സൂരറൈ പോട്ര്'.
Soorarai Pottru in amazon prime: കൊവിഡ്‌ സാഹചര്യത്തില്‍ ഡയറക്‌ട്‌ ഒടിടി റിലീസായി പ്രേക്ഷകര്‍ക്ക്‌ മുമ്പിലെത്തിയ ചിത്രമാണ് സൂര്യയുടെ 'സൂരറൈ പോട്ര്'. മലയാളം, തമിഴ്‌, തെലുങ്ക്‌, കന്നട എന്നീ ഭാഷകളിലൂടെ ആമസോണ്‍ പ്രൈമിലൂടെയായിരുന്നു റിലീസ്‌. ചിത്രത്തില്‍ നടി ഉര്‍വശിയും സുപ്രധാന വേഷത്തിലെത്തിയിരുന്നു.
Akshay Kumar latest movies: ഇമ്രാന്‍ ഹാഷ്‌മിക്കൊപ്പമുള്ള 'സെല്‍ഫി' എന്ന ചിത്രത്തിലാണ് അക്ഷയ് കുമാര്‍ നിലവില്‍ അഭിനയിച്ചുകൊണ്ടിരിക്കുന്നത്‌. 'സെല്‍ഫി'ക്ക്‌ ശേഷം നടന്‍ 'സൂരറൈ പോട്ര്' റീമേക്കില്‍ ജോയിന്‍ ചെയ്യുമെന്ന്‌ ഒരു ദേശീയ മാധ്യമം റിപ്പോര്‍ട്ട്‌ ചെയ്‌തിരുന്നു. ജൂണ്‍ 3ന്‌ റിലീസിനെത്തുന്ന 'പൃഥ്വിരാജ്‌' ആണ് സൂപ്പര്‍ താരത്തിന്‍റെ ഏറ്റവും പുതിയ ചിത്രം.
Also Read: അപകടത്തില്‍ മരിച്ച ആരാധകന്‍റെ കുടുംബത്തെ ചേര്‍ത്തുപിടിച്ച് സൂര്യ, നടന്‍ ചെയ്‌തത്
