'അച്ചുതന്‍റെ അവസാന ശ്വാസം' ഫസ്റ്റ് ലുക്ക് പോസ്‌റ്റര്‍ റിലീസ് ചെയ്‌തു (Achuthan s Last Breath First Look Poster). 'മറിയം', ചട്ടമ്പി', 'സാജന്‍ ബേക്കറി', 'അപ്പന്‍' എന്നീ സിനിമകളിലൂടെ ശ്രദ്ധേയനായ ജോസഫ് ചിലമ്പന്‍ (Joseph Chilamban) കേന്ദ്രകഥാപാത്രമായെത്തുന്ന ചിത്രമാണ് 'അച്ചുതന്‍റെ അവസാന ശ്വാസം' (Achuthan s Last Breath). നവാഗതനായ അജയ് ആണ് സിനിമയുടെ തിരക്കഥയും സംവിധാനവും.
മധ്യവയസ്‌കനും കിടപ്പ് രോഗിയുമായ അച്ചുതന്‍റെ ജീവിതമാണ് ചിത്രപശ്ചാത്തലം. ജോസഫ് ചിലമ്പന്‍ ആണ് ചിത്രത്തില്‍ അച്ചുതനായി വേഷമിടുന്നത്. ഓക്‌സിജൻ സിലിണ്ടറിനെ ആശ്രയിച്ചാണ് അച്ചുതന്‍ തന്‍റെ ജീവിതം മുന്നോട്ടു കൊണ്ടു പോകുന്നത്. കൊവിഡ് മഹാമാരി സമയത്ത് ഓക്‌സിജൻ സിലിണ്ടറിന്‍റെ ആവശ്യകത വർധിച്ചതും തുടർന്നുണ്ടായ ഓക്‌സിജൻ ക്ഷാമവും അച്ചുതന്‍റെ ജീവിതത്തിൽ ഉണ്ടാക്കുന്ന പ്രതിസന്ധിയുമാണ് ചിത്രം പറയുന്നത്.
Also Read: 'അച്ചുതന്‍റെ അവസാന ശ്വാസം' ; ടൈറ്റിൽ പോസ്‌റ്റര്‍ പുറത്ത്
അടുത്തിടെയാണ് സിനിമയുടെ ടൈറ്റില്‍ ലുക്ക് പോസ്‌റ്റര്‍ അണിയറപ്രവര്‍ത്തകര്‍ പുറത്തുവിട്ടത്. (Achuthan's Last Breath Title Poster). ജോസഫ് ചിലമ്പന്‍ കേന്ദ്രകഥാപാത്രത്തില്‍ എത്തുന്ന ചിത്രത്തില്‍ പൗളി വൽസൻ (Pauly Valsan), അനിൽ കെ ശിവറാം (Anil K Shivram), കിരൺ (Kiran) എന്നിവരും സുപ്രധാന വേഷങ്ങളില്‍ എത്തുന്നുണ്ട്. ഇത് കൂടാതെ നിരവധി പുതുമുഖങ്ങളും ചിത്രത്തില്‍ അണിനിരക്കുന്നുണ്ട്.
പെർഫക്‌ട്‌ പിക്‌ചര്‍ സ്‌റ്റുഡിയോസ്, എൽഎംഎ ഫിലിം പ്രൊഡക്ഷൻസ്, കാമധേനു ഫിലിംസ്, പ്രെസ്‌റ്റോ മുവീസ് എന്നീ ബാനറുകളിൽ ലീനു മേരി ആൻ്റണി ആണ് സിനിമയുടെ നിര്‍മാണം. തരുൺ കുമാർ ബഫ്‌ന, സാബു പ്രെസ്‌റ്റോ എന്നിവര്‍ സഹ നിർമാണവും നിര്‍വഹിക്കുന്നു. തരുൺ സുധാകരൻ ഛായാഗ്രഹണവും അശ്വിൻ നെരുവമ്പ്രം എഡിറ്റിങ്ങും നിര്‍വഹിക്കും. മിലന്‍ ജോണ്‍ ആണ് ചിത്രത്തിന് വേണ്ടി സംഗീതവും ബിജിഎമ്മും ഒരുക്കുന്നത്.
അസോസിയേറ്റ് ഡയറക്‌ടര്‍ - അജിത് പി വിനോദൻ, കല - മജിനു പികെ, മേക്കപ്പ് - സുബിൻ കട്ടപ്പന, ഗാനരചന - അഖിൽ രാജ്, സാബു ആലുങ്കൽ, പ്രൊജക്‌ട് ഡിസൈനർ - മെറ്റ്ലി ടോമി, സൗണ്ട് ഡിസൈൻ - രമേഷ്, ടൈറ്റിൽ - രജ്‌വിന്‍ ചാണ്ടി, എക്‌സിക്യുട്ടീവ് പ്രൊഡ്യൂസർ - ജിനി ജോർജ്, ഡിസൈൻസ് - ആർട്ടോകാർപസ്, സ്‌റ്റിൽസ് - ആകാശ്, സ്‌റ്റുഡിയോ - കെ സ്‌റ്റുഡിയോ, ഡിജിറ്റൽ മാർക്കറ്റിങ് - 1000 ആരോസ്, പിആർഒ - പി ശിവപ്രസാദ് എന്നിവരാണ് ചിത്രത്തിലെ മറ്റ് അണിയറപ്രവര്‍ത്തകര്‍.
