കണ്ണൂർ: ചെമ്പിലോട് നിർമാണത്തിലിരിക്കുന്ന കോൺഗ്രസ് ഓഫിസിന് നേരെ ബോംബേറ്. മുതുകുറ്റി ആശാരിമെട്ടയിലെ പുതുതായി നിർമിക്കുന്ന പ്രിയദർശിനി മന്ദിരത്തിന് നേരെയാണ് ഇന്ന് (സെപ്റ്റംബർ 21) പുലർച്ചെ ബോംബെറുണ്ടായത്. ബൈക്കിലെത്തിയ സംഘമാണ് ബോംബെറിഞ്ഞത്.
ആക്രമണമുണ്ടായ കോണ്ഗ്രസ് ഓഫിസിന്‍റെ ദൃശ്യം
ഉഗ്രസ്ഫോടനത്തിൽ കെട്ടിടത്തിന് കേടുപാടുണ്ടായി. കെട്ടിടത്തിനകത്തുണ്ടായിരുന്ന ഫർണീച്ചറുകള്‍ തകർന്നു. ആക്രമണത്തിന് പിന്നിൽ സിപിഎം പ്രവർത്തകരാണെന്ന് കോൺഗ്രസ് നേതാക്കൾ ആരോപിച്ചു. കെട്ടിടത്തിന്‍റെ നിർമാണം പൂർത്തിയാക്കി ഉദ്ഘാടനം ചെയ്യാനിരിക്കെയാണ് ആക്രമണമുണ്ടായത്.
