തൃശൂർ : തൃശൂര്‍ കൈപ്പറമ്പിൽ ഗ്യാസ് സിലിണ്ടർ പൊട്ടിത്തെറിച്ച് (gas cylinder explodes in Thrissur) ഒരാള്‍ക്ക് ഗുരുതര പരിക്ക് (man injured in gas cylinder explosion). വെളുത്തേടത്ത് വിജയനാണ് ഗുരുതരമായി പൊള്ളലേറ്റത്. ഇന്ന് രാവിലെ എട്ട് മണിയോടെയാണ് സംഭവം.
ഓടിട്ട ഇരുനില വീട്ടിലാണ് അപകടമുണ്ടായത്. മുകളിലെ നിലയിൽ താമസിക്കുന്ന വിജയന്‍റെ സഹോദരന്‍റെ വീട്ടിലെ ഗ്യാസ് സിലിണ്ടറിലാണ് ചോര്‍ച്ചയുണ്ടായത് (gas cylinder leakage).
Also read: കളിക്കുന്നതിനിടെ കിട്ടിയ ഐസ്ക്രീം ബോള്‍ എറിഞ്ഞു ; ധര്‍മടത്ത് സ്ഫോടനത്തില്‍ 12കാരന് പരിക്ക്
തീ പടർന്നതോടെ എല്ലാവരും പുറത്തിറങ്ങി. ഇതിനിടെ സാധനങ്ങൾ എടുക്കാൻ വിജയന്‍ വീടിന്‍റെ അകത്തേക്ക് കയറിയ ഉടന്‍ ഗ്യാസ് സിലിണ്ടർ പൊട്ടിത്തെറിക്കുകയായിരുന്നു.
ഫയർഫോഴ്‌സ് എത്തിയാണ് തീയണച്ചത്. ഗുരുതരമായി പരിക്കേറ്റ വിജയനെ തൃശൂര്‍ മെഡിക്കൽ കോളജിൽ (Thrissur Medical College) പ്രവേശിപ്പിച്ചു.
