തിരുവനന്തപുരം: സ്വർണക്കടത്ത് കേസിൽ ഉപ്പ് തിന്നവർ വെള്ളം കുടിക്കട്ടെ എന്ന നിലപാടിൽ മാറ്റമില്ലെന്ന് സിപിഎം കേന്ദ്ര കമ്മിറ്റിയംഗം എം.വി.ഗോവിന്ദൻ. ശിവശങ്കര്‍ വിഷയം മുൻനിർത്തി മുഖ്യമന്ത്രി പിണറായി വിജയൻ രാജി വയ്ക്കുന്ന പ്രശ്നമേയില്ല. എന്ത് തരം അന്വേഷണം നടക്കട്ടെ എന്നതാണ് പാർട്ടി നിലപാട്. ആരെയും ചോദ്യം ചെയ്യാം, എന്തും പരിശോധിക്കാമെന്നും മുഖ്യമന്ത്രി നേരത്തെ തന്നെ വ്യക്തമാക്കിയതാണ്. കേസിലെ പ്രതിയുടെ മൊഴി മാത്രം അടിസ്ഥാനമാക്കി ഒരിക്കലും അന്തിമ തീരുമാനം ഉണ്ടാവാറില്ല. അതിൽ അന്വേഷണം നടന്ന് വിവരങ്ങൾ പുറത്ത് വരണം. ഇക്കാര്യം കോടതി പരിശോധിച്ച് അന്തിമ ഉത്തരവ് വരണം. ഇക്കാര്യത്തിൽ സിപിഎമ്മിന് ഒന്നും ഭയപ്പെടാനില്ല.
ഉപ്പ് തിന്നവര്‍ വെള്ളം കുടിക്കും, മുഖ്യമന്ത്രി രാജിവയ്‌ക്കില്ല: എം.വി ഗോവിന്ദൻ
