തിരുവനന്തപുരം: കേരള കോണ്‍ഗ്രസ് ചെയര്‍മാന്‍ ജോസ് കെ മാണി രാജ്യസഭയിലേക്ക്. രാജ്യസഭ സീറ്റിലേക്ക് നടന്ന തെരഞ്ഞെടുപ്പില്‍ ഇടതു മുന്നണി സ്ഥാനാര്‍ഥിയായാണ് ജോസ് കെ മാണി വിജയിച്ചത്. 96 വോട്ടുകളാണ് ജോസിന് ലഭിച്ചത്.
എല്‍ഡിഎഫിന്‍റെ ഒരു വോട്ട് അസാധുവായി. യുഡിഎഫ് സ്ഥാനാര്‍ഥി ശൂരനാട് രാജശേഖരന് 40 വോട്ടാണ് ലഭിച്ചത്. നിയമസഭ മന്ദിരത്തില്‍ രാവിലെ ഒമ്പതു മണി മുതല്‍ നാലു വരെയായിരുന്നു വോട്ടെടുപ്പ്.
99 പ്രതിനിധികള്‍ എല്‍ഡിഎഫിന് ഉണ്ടായിരുന്നെങ്കിലും മുന്‍മന്ത്രി ടി.പി രാമകൃഷ്‌ണനും പി മമ്മിക്കുട്ടിയും കൊവിഡ് ബാധിതരായി ചികിത്സയിലായിരുന്നു. യുഡിഎഫിന്‍റെ 41 അംഗങ്ങളില്‍ പി.ടി തോമസ് ചികിത്സയിലായിരുന്നതിനാല്‍ 40 പേരാണ് വോട്ടു ചെയ്‌തത്.
