തിരുവനന്തപുരം : സംസ്ഥാനത്തിന് 3,78,690 ഡോസ് കൊവിഷീല്‍ഡ് വാക്സിന്‍ കൂടി കേന്ദ്രസര്‍ക്കാര്‍ അനുവദിച്ചു. കൊച്ചിയില്‍ 1,48,690 ഡോസും കോഴിക്കോട് 1,01,500 ഡോസുമാണ് എത്തിയത്. തിരുവനന്തപുരത്തേക്കുള്ള 1,28,500 ഡോസ് രാത്രിയോടെ എത്തും.
ഇതോടെ സംസ്ഥാനത്തിനാകെ 1,41,58,890 ഡോസ് വാക്സിനാണ് ലഭിച്ചിരിക്കുന്നത്. 1,14,53,120 ഡോസ് കൊവിഷീല്‍ഡ് വാക്സിനും 13,63,230 ഡോസ് കൊവാക്സിനും ഉള്‍പ്പെടെ 1,28,16,350 ഡോസ് കേന്ദ്രം നല്‍കിയതാണ്.
കൂടുതല്‍ വായനക്ക്:- വീണ്ടും 15,000 കടന്ന് പ്രതിദിന കൊവിഡ് കേസുകള്‍ ; ആകെ മരണം 14,000 കടന്നു
12,04,960 ഡോസ് കൊവിഷീല്‍ഡും 1,37,580 ഡോസ് കൊവാക്സിനും ഉള്‍പ്പെടെ 13,42,540 ഡോസാണ് സംസ്ഥാനം വാങ്ങിയത്.
സംസ്ഥാനത്താകെ ഒന്നും രണ്ടും ഡോസ് ചേര്‍ത്ത് 1,51,18,109 പേര്‍ക്കാണ് വാക്സിന്‍ നല്‍കിയത്. അതില്‍ 1,13,54,565 പേര്‍ക്ക് ഒന്നാം ഡോസ് വാക്സിനും 37,63,544 പേര്‍ക്ക് രണ്ടാം കുത്തിവയ്പ്പുമാണ് നല്‍കിയിരിക്കുന്നത്.
