തിരുവനന്തപുരം: കരമന കൂടത്തിൽ തറവാട്ടിലെ സ്വത്ത് തട്ടിപ്പിൽ പൊലീസ് കേസെടുത്തു. കാര്യസ്ഥൻ രവീന്ദ്രൻ നായർ, മുൻ കലക്‌ടര്‍ മോഹൻദാസ് ഉൾപ്പടെ 12 പേർക്കെതിരെയാണ് എഫ്.ഐ.ആർ രജിസ്റ്റർ ചെയ്തിരിക്കുന്നത്. കുടുംബാഗമായ മരുതൂർക്കാവ് സ്വദേശി പ്രസന്നകുമാറിന്‍റെ പരാതിയിലാണ് കരമന പൊലീസിന്‍റെ നടപടി. എന്നാല്‍ മരണത്തിലെ ദുരൂഹതകൾ ഈ കേസിൽ ഉൾപ്പെടുത്തിയിട്ടില്ല.
200 കോടിക്ക് മുകളിൽ മൂല്യമുള്ള സ്വത്തുക്കളാണ് കൂടത്തിൽ കുടുംബത്തിന്‍റേതായി ഉണ്ടായിരുന്നത്. ഇവയെല്ലാം ഇപ്പോൾ രവീന്ദ്രൻ നായർ ഉൾപ്പെടെ പ്രതി പട്ടികയിൽ ഉള്ളവരുടെ പേരിലാണ്. വിശദമായ മൊഴിയെടുത്ത ശേഷമാണ് പൊലീസ് എഫ്.ഐ.അർ രജിസ്റ്റർ ചെയ്തിരിക്കുന്നത്.
