തിരുവനന്തപുരം: കെപിസിസി വിലക്ക് ലംഘിച്ച് സിപിഎം പാർട്ടി കോൺഗ്രസിൽ പങ്കെടുക്കുമെന്ന പ്രഖ്യാപിച്ച കെ.വി തോമസിനെതിരായ നടപടി നേതൃത്വവുമായി ആലോചിച്ച് തീരുമാനിക്കുമെന്ന് കെപിസിസി പ്രസിഡന്‍റ് കെ സുധാകരൻ. സെമിനാറിൽ പങ്കെടുക്കരുതെന്ന് പാർട്ടി നേതാക്കൾക്കെല്ലാം നിർദേശം നൽകിയതാണ്. അച്ചടക്കം ലംഘിക്കുന്നത് ഒരു തരത്തിലും അംഗീകരിക്കാൻ കഴിയില്ലെന്നും കെ സുധാകരൻ പ്രതികരിച്ചു.
നേതൃത്വവുമായി ആലോചിച്ച് തുടർ നടപടി സ്വീകരിക്കുമെന്ന് പ്രതിപക്ഷ നേതാവ് വി.ഡി സതീശനും പ്രതികരിച്ചു. പാർട്ടി വിലക്ക് ലംഘിച്ച് സിപിഎം സെമിനാറിൽ പങ്കെടുക്കുമെന്ന് പ്രഖ്യാപിച്ച കെ.വി തോമസിനെതിരെ നടപടി ഉണ്ടാകുമെന്ന് യുഡിഎഫ് കൺവീനർ എം.എം ഹസനും വ്യക്തമാക്കി. പാർട്ടി നേതൃത്വം ഇക്കാര്യം ആലോചിച്ച് തീരുമാനിക്കും.
