ലോക്ക് ഡൗണിലും ഇവര്‍ക്ക് വിശ്രമമില്ല; കർമ്മനിരതരായി ശുചീകരണത്തൊഴിലാളികൾ

തിരുവനന്തപുരം നഗരസഭയിൽ 25 സർക്കിളുകളിലായി 1800 ശുചീകരണത്തൊഴിലാളികളാണ് പണിയെടുക്കുന്നത്.

തിരുവനന്തപുരം: കൊവിഡ് പ്രതിരോധത്തിന്‍റെ ഭാഗമായി ജനം വീട്ടിലിരിക്കുമ്പോഴും കർമ്മനിരതരായി ശുചീകരണത്തൊഴിലാളികൾ. നേരം പുലരും മുമ്പേ ജോലി തുടങ്ങുന്ന ഇവരെ പൊരിവെയിലത്തും നിരത്തിൽ കാണാം. പലരും മാസ്കോ കൈയുറകളോ ഇല്ലാതെയാണ് പണിയെടുക്കുന്നത്.

മഹാമാരിയെ ഒന്നിച്ചു നേരിടുമെന്നും ഇക്കാര്യത്തിൽ തങ്ങളുടെ ഉത്തരവാദിത്തം ഗൗരവമുള്ളതാണെന്നും തിരുവനന്തപുരം നഗരസഭയിലെ ശുചീകരണത്തൊഴിലാളികൾ പറഞ്ഞു. നഗരസഭയിൽ 25 സർക്കിളുകളിലായി 1800 ശുചീകരണത്തൊഴിലാളികളാണ് പണിയെടുക്കുന്നത്.