തിരുവനന്തപുരം: ദത്ത് വിവാദത്തില്‍ (Child Adoption Case) വീണ്ടും ആരോപണവുമായി സമരമുഖത്ത് നിന്ന് അനുപമ (Anupama). നടപടികള്‍ അട്ടിമറിക്കാന്‍ നീക്കമെന്ന് സംശയമുണ്ട്. ഡി.എന്‍.എ (DNA Test) പരിശോധന നടപടികള്‍ അറിയിക്കുന്നില്ല. അമ്മയുടെയും കുഞ്ഞിന്‍റെയും സാമ്പിളുകള്‍ ഒരുമിച്ചെടുക്കണമെന്ന ആവശ്യം പരിഗണിക്കുന്നില്ല. ആരോപണ വിധേയരായവര്‍ ഇപ്പോഴും അതേ സ്ഥാനങ്ങളില്‍ തുടരുന്നതില്‍ ഭയമുണ്ട്. ഡി.എന്‍.എ പരിശോധന അട്ടിമറിക്കുമോ എന്ന് സംശയിക്കുന്നതായും അനുപമ പറഞ്ഞു.
ആന്ധ്രയിലെ വിജയവാഡയില്‍ നിന്ന് ശനിയാഴ്‌ച തിരുവനന്തപുരത്തെത്തിച്ച കുഞ്ഞിനെ തിങ്കളാഴ്‌ച തിരുവനന്തപുരം രാജീവ് ഗാന്ധി ബയോ ടെക്‌നോളജി സെന്‍ററില്‍ (Rajiv Gandhi Biotechnology Center, Thiruvananthapuram) എത്തിച്ച് സാമ്പിള്‍ ശേഖരിച്ച്‌ ഡി.എന്‍.എ പരിശോധന നടത്തും. ഇതിനായി കുഞ്ഞിന്‍റെ ഡി.എന്‍.എ സാമ്പിള്‍ ശേഖരിച്ചു. റിപ്പോര്‍ട്ട് ഒരാഴ്‌ചക്കുള്ളിൽ ലഭ്യമാക്കുമെന്ന് രാജീവ് ഗാന്ധി ബയോടെക്‌നോളജി സെന്‍റര്‍ ഉദ്യോഗസ്ഥര്‍ അറിയിച്ചു.
അന്വേഷണ ഏജന്‍സിക്കോ കോടതിക്കോ റിപ്പോര്‍ട്ട് കൈമാറും. കുഞ്ഞിനെ കൈമാറണമെന്നാവശ്യപ്പെട്ട് കുഞ്ഞിന്‍റെ മാതാവ് അനുപമ തൈക്കാട് ശിശുക്ഷേമ സമിതി ആസ്ഥാനത്തിന് മുന്നില്‍ നടത്തുന്ന സമരം തുടരുകയാണ്. ഡി.എന്‍.എ പരിശോധന നടത്തും വരെ കുഞ്ഞ് ജില്ലാ ശിശുസംരക്ഷണ ഓഫീസറുടെ സംരക്ഷണയിലായിരിക്കും കുഞ്ഞ്. അതിനു ശേഷം സംരക്ഷിക്കാന്‍ കഴിയുന്നയാളെ കണ്ടെത്തി കുഞ്ഞിനെ കൈമാറും.
READ MORE: Child Adoption Case| ഷിജു ഖാനെതിരെ കേസെടുക്കണം, മുഖ്യമന്ത്രിക്ക് കത്തയക്കുമെന്ന് അനുപമ
