തിരുവനന്തപുരം: മത, രാഷ്ട്രീയ സംഘടനകൾക്ക് പരിശീലനം നൽകേണ്ടതില്ലെന്ന് സംബന്ധിച്ച് സർക്കുലർ പുറത്തിറക്കി ഫയർഫോഴ്‌സ് മേധാവി ബി സന്ധ്യ. ആലുവയിൽ പോപ്പുലർ ഫ്രണ്ട് പ്രവർത്തകർക്ക് ഫയർഫോഴ്‌സ് ഉദ്യോഗസ്ഥർ പരിശീലനം നൽകിയ സംഭവം വിവാദമായ പശ്ചാത്തലത്തിലാണ് നടപടി. സംഭവത്തിൽ ആർഎഫ്ഒ, ജില്ല ഫയർ ഓഫീസർ എന്നിവർക്കും മൂന്ന് ഉദ്യോഗസ്ഥർക്കുമെക്കുമെതിരെ നടപടിക്ക് ആഭ്യന്തരവകുപ്പിന് റിപ്പോർട്ട് നൽകിയതിനു പിന്നാലെയാണ് സർക്കുലർ പുറത്തിറക്കിയത്.
സർക്കാരിന്‍റെ അനുമതിയോടെ പ്രവർത്തിക്കുന്ന സന്നദ്ധ സംഘടനകൾ, വ്യാപാരി - വ്യവസായി സംഘടനകൾ തുടങ്ങിയവ ആവശ്യപ്പെട്ടാൽ മാത്രം പരിശീലനം നൽകാനാണ് പുതിയ നിർദ്ദേശം. പരിശീലനം ആവശ്യപ്പെട്ട് അപേക്ഷ ലഭിച്ചാൽ ഉന്നത ഉദ്യോഗസ്ഥരുമായി കൂടിയാലോചന നടത്തണമെന്നും സർക്കുലറിൽ പറയുന്നു.
