പാലക്കാട്: ചെറുനാരങ്ങയുടെ വിലയിൽ വൻ വർദ്ധന. കിലോയ്ക്ക് 140 രൂപയാണ് പാലക്കാട് മാർക്കറ്റിലെ മൊത്ത വില. ചില്ലറ വിൽപ്പന കേന്ദ്രങ്ങളിൽ ഇത് ഇരുന്നുറിനും മുകളിലാണ്. മൂന്ന് മാസം മുൻപ് വരെ അമ്പത് രൂപയായിരുന്നു വിലയാണ് ഇപ്പോള്‍ ഇരുന്നൂറ് കടന്നിരിക്കുന്നത്. കേരളത്തിൽ കൃഷിയില്ലാത്തതിനാൽ ഇതര സംസ്ഥാനങ്ങളിൽ നിന്നാണ് ചെറുനാരങ്ങ വിപണിയിലെത്തുന്നത്. ഇവിടങ്ങളിലുണ്ടായ കനത്ത മഴയും കാറ്റും മൂലം ഉത്പാദനത്തിലുണ്ടായ കുറവാണ് വില ഇത്രയധികം ഉയരാൻ കാരണമെന്നാണ് കച്ചവടക്കാർ പറയുന്നത്.
കുതിച്ചുയര്‍ന്ന് ചെറുനാരങ്ങ വില
