പാലക്കാട്: ജില്ലാ ആശുപത്രിയിലെ മാലിന്യമൊഴുകുന്ന ഓടകൾക്ക് സ്ലാബുകളില്ലാത്തതിനാൽ യാത്രക്കാരും വ്യാപാരികളും ദുരിതത്തിൽ. ആശുപത്രിയുടെ ചുറ്റുമതിൽ ഇടിഞ്ഞു വീണ സമയത്താണ് ഓടകള് തകര്ന്നത്. പിന്നീട് മതില് വീണ്ടും നിര്മിച്ചെങ്കിലും ഓടകൾ മൂടാത്ത നിലയിലാണ്.
മാലിന്യത്തിൽ നിന്നുള്ള ദുര്ഗന്ധം വഴിയാത്രക്കാര്ക്ക് ബുദ്ധിമുട്ടുണ്ടാക്കുന്നുണ്ട്. ഓടകൾക്ക് സമീപം നിരവധി ചെറു ഭഷ്യ ശാലകളും പ്രവർത്തിക്കുന്നുണ്ട്, ഇവരും പ്രതിസന്ധിയിലാണ്. ആശുപത്രി മാലിന്യമായതിനാല് രോഗം പടരുമോയെന്ന് ആശങ്കയും നാട്ടുകാര്ക്കുണ്ട്.
സ്ലാബുകൾ നിരത്തി ഓടകൾ വൃത്തിയാക്കണമെന്ന് ദീർഘനാളായി ആവശ്യപ്പെട്ടിട്ടും നടപടിയുണ്ടാകുന്നില്ലെന്ന് കച്ചവടക്കാർ പറയുന്നു. ശക്തമായ മഴ പെയ്താല് ഓട നിറഞ്ഞ് മലിനജലം റോഡുകളിലേക്ക് ഒഴുകുന്ന സാഹചര്യമുണ്ട്. പ്രശ്നത്തിന് ഉടന് പരിഹാരം കാണണമെന്നാണ് നാട്ടുകാരുടെ ആവശ്യം