മലപ്പുറം: എടവണ്ണ പൊലീസ് സ്റ്റേഷൻ പരിധിയിൽ പ്രായപൂർത്തിയാവാത്ത പെൺകുട്ടിയെ പീഡിപ്പിച്ച കേസിൽ ബന്ധുക്കളായ രണ്ടുപേർ അറസ്റ്റിൽ. പോക്സോ വകുപ്പ്‌ പ്രകാരം എടവണ്ണ പൊലീസാണ് പ്രതികളെ അറസ്റ്റ് ചെയ്‌തത്. മഞ്ചേരി കോടതിയിൽ ഹാജരാക്കിയ പ്രതികളെ റിമാൻഡ് ചെയ്‌തു.
ആളില്ലാത്ത സമയത്ത് പ്രതികൾ വീട്ടിലെത്തി പെണ്‍കുട്ടിയെ പീഡിപ്പിച്ചു എന്നാണ് പരാതി. പ്രായപൂർത്തിയാവാത്ത കുട്ടിയെ ഇവർ പലതവണ പീഡിപ്പിച്ചു എന്നാണ് പൊലീസ് പറയുന്നത്. കേസിൽ ബന്ധുക്കളായ മറ്റ് രണ്ടു പ്രതികൾ കൂടിയുണ്ട്. ഇവർ വിദേശത്ത് ആണെന്നാണ് പൊലീസ് നൽകുന്ന വിവരം.
എടവണ്ണ സ്റ്റേഷനിൽ ഇൻസ്‌പെക്‌ടർ സജിത്ത്‌, എസ്.ഐ സുൽഫിക്കർ മുളംബാട്ടിൽ, ഗ്രേഡ് എസ് ഐമാരായ അബ്‌ദുൽ അസീസ്, കൃഷ്‌ണനുണ്ണി, എ എസ് ഐ സുനിത, സിപിഒമാരായ സിനി, ഇസുദ്ദീൻ, സുഭാഷ്, സതീഷ്, ഷിനോജ് മാത്യു എന്നിവരടങ്ങുന്ന സംഘമാണ് പ്രതികളെ പിടികൂടിയത്.
