മലപ്പുറം: സ്വാതന്ത്ര്യ സമരസേനാനി വാരിയൻകുന്നത്ത് കുഞ്ഞഹമ്മദ് ഹാജിയുടെ ഓർമ ദിനത്തിൽ എംഎസ്എഫ് സ്റ്റുഡന്‍റ്സ് ബാറ്റിൽ പ്രതിഷേധം സംഘടിപ്പിച്ചു. ദേശീയ പൗരത്വ നിയമ ഭേദഗതി പിൻവലിക്കണമെന്ന് ആവശ്യപ്പെട്ട് മഞ്ചേരിയിൽ നിന്ന് മലപ്പുറത്തേക്ക് വിദ്യാർഥികള്‍ മാർച്ച് നടത്തി. മുസ്ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി മാർച്ചിന് അഭിവാദ്യമർപ്പിച്ചു. നാളത്തെ പൗരന്മാർ ഭരണഘടന സംരക്ഷിക്കാനുള്ള സമരത്തിൽ വിജയം നേടുമെന്ന് പി കെ കുഞ്ഞാലിക്കുട്ടി എം.പി പറഞ്ഞു.
പൗരത്വ നിയമ ഭേദഗതിക്കെതിരെ എംഎസ്എഫിന്‍റെ സ്റ്റുഡന്‍റ്സ് ബാറ്റിൽ
സമാപന സമ്മേളനം മുസ്ലിം ലീഗ് ജില്ല ജനറൽ സെക്രട്ടറി യു.എ ലത്തീഫ് ഉദ്ഘാടനം ചെയ്തു. അലിഗഢ് മുസ്ലിം സര്‍വകലാശാല വിദ്യാർഥി യൂണിയൻ ചെയർമാൻ സൽമാൻ ഇംതിഹാസ് മുഖ്യാതിഥിയായി . മഞ്ചേരിയിൽ നിന്നും 12 കിലോമീറ്റർ നടന്ന് മലപ്പുറം കിഴക്കേതലയിലാണ് മാർച്ച് സമാപിച്ചത്.
