മലപ്പുറം : ബസ് നിയന്ത്രണം വിട്ട് മതിലിലിടിച്ച് അപകടം. വണ്ടൂർ അമ്പലപ്പടിയിൽവച്ചാണ് സ്വകാര്യബസ് അപകടത്തില്‍പ്പെട്ടത്. ബുധനാഴ്‌ച രാവിലെ 9.30 നായിരുന്നു സംഭവം. ഇടിയുടെ ആഘാതത്തിൽ പുറത്തേക്ക് വീണ യാത്രക്കാരിയെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു.
വണ്ടൂരിൽ ബസ് നിയന്ത്രണം വിട്ട് മതിലിടിച്ചു; യാത്രക്കാർക്ക് പരിക്ക്
മമ്പാട് നിന്ന് പന്തലിങ്ങൽ വഴി വണ്ടൂരിലേക്ക് പോകുകയായിരുന്ന ബസിന്‍റെ മെയിൻ ലീഫ് അമ്പലപ്പടി കോഞ്ഞവളവിൽ വച്ച് പൊട്ടിയതാണ് അപകടകാരണം. ബസിൽ യാത്രക്കാര്‍ കുറവായിരുന്നതും വേഗത കുറവായിരുന്നതും അപകടത്തിന്‍റെ വ്യാപ്‌തി കുറച്ചു.
