മലപ്പുറം : പെരിന്തൽമണ്ണ താലൂക്കിലെ അരക്കുപറമ്പ് മാട്ടാറക്കലിൽ ഉരുൾപൊട്ടൽ. ബുധനാഴ്‌ച രാത്രി ഏഴ് മണിയോടെയായിരുന്നു സംഭവം. മുക്കിലപറമ്പിന്‍റെ മുകൾ ഭാഗത്തുള്ള ബിടാവുമലയിലാണ് ഉരുൾപൊട്ടലുണ്ടായത്. ആളപായം റിപ്പോർട്ട് ചെയ്‌തിട്ടില്ല. പ്രദേശത്ത് നിന്ന് 60 കുടുംബങ്ങളെ മാറ്റിപ്പാര്‍പ്പിച്ചിരുന്നു.
പെരിന്തൽമണ്ണ മേഖലയിൽ ഉൾപ്പടെ ജില്ലയുടെ വിവിധ ഭാഗങ്ങളിൽ കനത്ത മഴയാണ് ബുധനാഴ്‌ച ഉച്ചയ്ക്ക് ശേഷം പെയ്‌തത്‌. ഇതിനിടെയാണ് ശക്തമായ രീതിയിൽ പാറയുടെ മുകളിൽ നിന്ന് വെള്ളം എത്തിയത്.
മലപ്പുറത്ത് ഉരുൾപൊട്ടൽ; പ്രദേശത്ത് നിന്ന് 60 കുടുംബങ്ങളെ മാറ്റിപാർപ്പിച്ചു
ALSO READ: ഇരുട്ടടി തുടരുന്നു ; ഇന്ധനവിലയിൽ വീണ്ടും വർധനവ്
പെരിന്തൽമണ്ണ അസിസ്റ്റന്‍റ് തഹസിൽദാർ സുനിൽ സംഭവസ്ഥലം സന്ദർശിച്ച് സ്ഥിതിഗതികൾ വിലയിരുത്തി. അതേസമയം ആശങ്കപ്പെടേണ്ട സാഹചര്യമില്ലെന്നും സമീപത്തെ യുപി സ്‌കൂളിൽ ക്യാമ്പ് ആരംഭിച്ചിട്ടുണ്ടെന്നും അദ്ദേഹം അറിയിച്ചു.
