മലപ്പുറം: വീടിന് മുകളില്‍ കവുങ്ങ് വീണ് ഉറങ്ങി കിടന്ന വീട്ടമ്മ മരിച്ചു. വാഴയൂര്‍ ചെലാട്ട് മൂല തോയപുറത്ത് ജാനകി (61) ആണ് മരിച്ചത്. കനത്ത മഴയെ തുടര്‍ന്നുണ്ടായ ശക്തമായ കാറ്റില്‍ കവുങ്ങ് വീടിന് മുകളിലേക്ക് വീഴുകയായിരുന്നു.
വീടിന് മുകളില്‍ കവുങ്ങ് വീണ് വീട്ടമ്മ മരിച്ചു
അതിര്‍ത്തി തര്‍ക്കം നിലനില്‍ക്കുന്നതിനാല്‍ നവീകരിക്കാന്‍ കഴിയാതെ തകര്‍ന്ന് വീഴാറായ അവസ്ഥയിലായിരുന്നു വീട്. ഇന്ന് പുലര്‍ച്ചെയായിരുന്നു അപകടം.
തലനാരിഴക്കാണ് തൊട്ടടുത്ത് മുറിയില്‍ കിടന്നുറങ്ങിയ മകന്‍ സുരേഷ്, ഭാര്യ ശ്രീജ, മക്കളായ ജിതിന്‍, ജിബിന്‍ എന്നിവര്‍ രക്ഷപ്പെട്ടത്. ഇവര്‍ കിടന്നുറങ്ങിയ മുറിയുടെ കതകില്‍ വരെ കല്ല് പതിച്ചിട്ടുണ്ട്. മക്കളും നാട്ടുകാരും ചേര്‍ന്ന് ജാനകിയെ പുറത്തെടുത്തെങ്കിലും മരണം സംഭവിച്ചിരുന്നു. മൃതദേഹം കോഴിക്കോട് മെഡിക്കല്‍ കോളജില്‍ സൂക്ഷിച്ചിരിക്കുകയാണ്.
