കോഴിക്കോട്: മുന്നണി മാറ്റത്തെക്കുറിച്ചുള്ള ഒരു ചർച്ചയും മുസ്‌ലിം ലീഗിൽ നടന്നിട്ടില്ലെന്നും അതിനുള്ള സാഹചര്യം നിലവിൽ വന്നിട്ടില്ലെന്നും ലീഗ് സംസ്ഥാന സെക്രട്ടറി പി.എം.എ സലാം. ഇതിനായി ആർക്കും അപേക്ഷ നൽകിയിട്ടുമില്ല. ജലീലിന്‍റെ അഭിപ്രായ പ്രകടനങ്ങൾ സിപിഎമ്മിന്‍റേതായി കാണാനാവില്ലെന്നും പി.എം.എ സലാം പറഞ്ഞു.
മുസ്ലീം ലീഗിൽ മുന്നണിമാറ്റത്തെപ്പറ്റി ചർച്ച നടന്നിട്ടില്ല
ഒരു വിവാഹ വീട്ടിൽ വച്ച് കുഞ്ഞാലിക്കുട്ടിയെ ജലീൽ കണ്ടിട്ടുണ്ട്. നേതാക്കൾ തമ്മിൽ കണ്ടാൽ രാഷ്ട്രീയ സഖ്യമോ ചുവട് മാറ്റമോ ആവില്ല. മുന്നണി മാറ്റത്തെ കുറിച്ച് ചർച്ച നടത്തേണ്ട സാഹചര്യം നിലവിലില്ല. യുഡിഎഫ് കൂടുതൽ ശക്തിപ്പെടേണ്ടതുണ്ട്. എന്നാൽ മുന്നണി മാറ്റം ചർച്ചയാക്കി സിപിഎം ഒരു കെണിയാണ് ഒരുക്കുന്നതെങ്കിൽ അവർ തന്നെ അതിൽ കുടുങ്ങുമെന്നും സലാം പ്രതികരിച്ചു.
