കോഴിക്കോട്: 52കാരിയായ ഭിന്നശേഷിക്കാരിയെയും (Physically challenged women) ഏഴു വയസുള്ള പെൺകുട്ടിയെയും (Minor girl) ലൈംഗികമായി പീഡിപ്പിച്ച കേസിൽ (Crime against Children) പ്രതി അറസ്റ്റിൽ. തൃക്കുറ്റിശ്ശേരി കുന്നുമ്മൽ പൊയിൽ എളാങ്ങൽ മുഹമ്മദ് (46) ആണ് പിടിയിലായത്. വെള്ളിയാഴ്‌ച പുലർച്ചെ രണ്ട് മണിയോടെ കോഴിക്കോട് റെയിൽവെ സ്റ്റേഷനിൽ (Kozhikode Railway Station) നിന്നാണ് ഇയാൾ പിടിയിലായത്.
കേസിൽ പ്രതിക്കെതിരെ പൊലീസ് ലുക്കൗട്ട് നോട്ടീസ് പുറത്തിറക്കിയിരുന്നു. വീട്ടിലുള്ളവർ തൊഴിലുറപ്പ് പണിക്ക് പോയ സമയത്ത് എത്തിയ മുഹമ്മദ് ഏഴു വയസുള്ള പെൺകുട്ടിയെ മടിയിലിരുത്തി പീഡിപ്പിച്ചതായാണ് കുട്ടി പൊലീസിനോട് മൊഴി നൽകിയത്. കുട്ടി കുതറി ഓടിയപ്പോൾ വീട്ടിനകത്ത് കിടക്കുകയായിരുന്ന ഭിന്നശേഷിക്കാരിയെയും പ്രതി ലൈംഗിക പീഡനത്തിനിരയാക്കി എന്നും മൊഴിയുണ്ട്.
പെൺകുട്ടിയെയും ഭിന്നശേഷിക്കാരിയെയും താമരശ്ശേരി മജിസ്ട്രേറ്റിനു മുന്നിൽ ഹാജരാക്കി രഹസ്യമൊഴിയെടുത്തിരുന്നു.
